Mi ghe credo, la tradission veronese _LR Notissie

mi ghe credo, la tradission veronese
mi ghe credo, la tradission veronese
Mi ghe credo, la rubrica de la tradissión 

Mi ghe credo, la tradissión veronese
Dopo du mesi de duro laóro, la rubrica "Mi ghe credo" l'è completa. La Rena Domila l'è el sito ufissiàl de la tradissión veronese e ne paréa giusto dar vóçe a quanto gh'è de bèl e curioso in quél tramandà dai nostri noni, un vero "filò" su internet. Le fòle contà i-è una mèio de l'altra, consà co' tanta fantasia ma anca co' tanto amór par Verona. Te pól entràr nel mondo contadìn e respiràr l'udór de 'na stala, far su el màs-cio e vardàr la luna par somenàr ma anca passàr par i banchéti de Santa Lussia o Brusàr le vècia in piassa Bra. Te pol imparàr tantissime cose in póche righe e deventàr cossìta un veronese D.O.C..... Mi ghe credo, parché drio a ogni fòla gh'è sempre una nina de verità. Mi ghe credo, parché no vaga perso el patrimonio de la nostra cultura. Mi ghe credo parché solo vandàndo al passà podémo costruìr un futuro. No l'è solo una rubrica sóra a un sito internet, i-è le nostre raìse e la nostra storia. Noàntri no volémo insegnàr gnénte a nissuni ma dar la possibilità ai veronesi se savèr e contàr ai propi fiói quél rivà nei secoli ne le nostre mane. Mi ghe credo, e ti?..... (Verona 07.11.2019)... "rubrica mi ghe credo >"

Pin It