Veronesi tuti marti _LR Notissie

radio scarpa tv
radio scarpa tv
Veronesi tuti marti ore 21.30 su IuTub



Nel mese de Genàr su Radio Scarpa TV
Dal 14 genàr a le ore 21.30 e par 3 marti, el nostro Diretor su Iutub - canàl Radio Scarpa TV, el ne conta un poche de curiosità su le tradissioni veronesi in direta strimin (streaming). El 14 genàr vien presentà el canpionato del mondo de le tradissioni n°22, el 21 genàr l'è el turno de le curiosità storiche del carnevàl de Verona ciapà dal nostro libro Bacchanalia, el 28 genàr parlémo de Berto Barbarani nel'aniversario de la morte del poeta. L'importante l'è, che i veronesi e soratuto i veronesi sparsi nel mondo i possa stàr ligà a Verona e a le so tradissioni, scoltando 15 minuti de curiosità....  Radio Scarpa tv    (Verona 28.12.2019)...

Nel mese de decémbre su Radio Scarpa TV
Dal 3 decémbre a le ore 21.30 e par 4 marti, el nostro Diretor su Iutub - canàl Radio Scarpa TV, el ne conta un poche de curiosità su le tradissioni veronesi in direta strimin (streaming). El 3 l'è el compleàn del grande Berto Barbarani, el momento giusto par parlàr de la vita del grande cantór de Verona; el 10 l'è el turno de Santa Lussia, co' i banchéti e le tradissioni veronesi ligà a 'sto giorno,el 17 luna e lunario, el 24 la cura co' le erbe. La Rena Domila no se ferma, nel 2020 altre novità. L'importante l'è, che i veronesi e soratuto i veronesi sparsi nel mondo i possa stàr ligà a Verona e a le so tradissioni, parché çità bele come la nostra no ghe n'è....  Radio Scarpa tv    (Verona 28.11.2019)... 
 




Pin It