La Rena Barçelona (LRCAT)

Da Barçelona, Umberto par i amiçi Berti e Silvàn i ne porta a far quatro passi ne la cultura catalàna e tra le strade de la çità. Le curiosità iè tante e soratuto se impara qualcosa de novo stando sentà a casa. Se par caso volì far un salto in Catalogna, i nostri amiçi ve speta par far quatro ciàcole.....







Ci semo - Son Umberto (par i amiçi El Berti), vivo da sie ani a Granollers, vissin a Barcelona, ma son de Tombeta. Ex zugador de fúbal,Berti e Silvàn Barçelona ex sasofonista, ragionier pentido e laureado in Lingue. Ho conossuo el Silvano quando fazéa el professor de Taglian. 'Desso son impiegato in una dita de mobili. A parte el dialeto veronese, la me passion l'è la musica gies. Grassie a la me compagna, la Patrissia, me son abituà a vivar qua, lontan dal Liston, da Santa 'Nastasia, da l'Adese e da Sotoriva. Fao le vasche su la Rambla e el me Liston el se ciama Passeig de Gràcia. Nel cor g'ho sempre un tochetin de polentina col pocin dei useleti, anca se qua se magna ben assé. G'ho l'adesivo del Ceo su la Opel Corsa, ma reconosso che 'na olta ho votà "Elkjaer sindaco". Quando posso vao a vedar el Barça al Camp Nou e me piaze vivar qua parché la gente la laora, ma no l'ha mia perso la 'oia de godarse. E mi son Silvano, de Arbissàn. Vivo a Barcelona dal 1984. Ho scominsià a laorar come ilustrador de libri par diverse Case Editrici de Barcelona e ho fato do mostre a Barcelona a la Sala Gaudì (nel 1985 e nel 1987) e una a Palma de Mallorca. Dal 1989 son Bibliotecario de l'Istituto Italiano de Cultura de Barcelona. Vint'ani via da Verona, da Arbissàn e dala Valpolesela, ma el me cor l'è sempre lì, 'ndo son nato e `ndo ò pasà i ani pi' bei de la me vita. (Berti e Silvàn) 

 

 

 

Pin It