Bonaìgo

BONAÌGO (Bonaìgo)
Popolassión: 2.010 Altessa: 19 metri sóra el livèl del mar
Superfice: 17,99 chilometri quadri Comùni confinanti: Angiari, Roérciàra, Minerbe, Legnago, Albaredo d'Àdese, Veronèla.
 
Bonavigo confina a Ovest con l'Àdese e su la sponda difronte con Roerciareta e Angiari. A nord con Albaredo e diviso da una strada che 'na 'òlta l'éra el vècio ramo de l'Àdese che l'andava verso Montagnana. A est con i comuni de Veronèla e Minerbe mentre a sud con el Comùne de Legnago. El comune de Bonavigo el se cata a çirca 35 chilometri da Verona ne la zona de pianura denominada "Bassa Veronese". Le origini del paese jè molto antiche come i ne dise dei documenti del l'887, ma tombe e lapidi le ne fa pensàr a un insediamneto romàn. El nome Bonavigo el deriva, secondo alcuni, dal longobardo "Botanicu-Boto", mentre par altri documenti, del 959 e del 1041, i parla de "Vicus Bonadicus". Anche nel 1145 'na bóla del Papa Eugenio III la parla de "Curtem Bonadigui cum Ecclesiis et decimis", corte de Bonavigo con cesa e campi. Le invasioni barbariche e le disastrose piéne de l'Àdese, le avéa sconvolto par secoli la vita de le popolassióni rurali de tuta la zona. Solo dopo avér incanàlado e deviado el fiume da parte dei frati Benedetini e la fine de i sachegi da parte dei barbari, el teritorio l'à ciapà l'atuàl forma. Essendo parte de l'impero romano-germanico, ànca Bonavigo l'è deventà ogeto de varie concessioni fate dai vari imperadori a vescovi, monasteri e vassali. Al tempo dei Scaligeri Bonavigo l'éra vicariato indipendente, par concesion de Cansignorio, bonavigoel podéa elesar el so' Vicario, che'l vegnéa paga' coi schèi che i catàa su dale multe. Nel 1405 paro' i venessiani i ga' passà el paese sóto la vicaria de Angiari e partanto Bonavigo l'a perso sto dirito. In seguito a l'aventura Napoleónica, con el tratado de Campoformio del 1797, ànca Bonavigo l'è deventà dominio austriaco, liberado nel 1866 quando el Veneto l'è passà sóto el Regno d'Italia. Nel 1812 un lieto evento, la nàssita del famoso poeta veronese Aleardo Aleardi. Durante la seconda guera mondiàl tra el 20 e 'l 23 april 1945 el paese l'a subido pesanti bombardamenti par fermar la ritirada dei tedeschi in fuga, çercando de butar zo el ponte. Ja fato una bruta fine la cèsa, el municipio e gran parte de le case vissine a la vècia piassa. Nel dopoguera, el çentro del paese l'è stà ricostruido più a est, grassie a la donassión del terén da parte de la faméja Lugo. Da visitàr la Vila Brenzoni o Pellegrini, che nel periodo de Ezelin da romàn, l'éra un castèl fortificado. Bela ànca La Bernardina, vila dove ne la cesa gh'è 'n interessante pala: Vergine sentada con Butìn. La cesa de Santa Maria, antichissima pieve dei Camaldolesi de San Michel de Murano, l'è del XI secolo con a l'interno un tritico del 1476 de Bernardo da Verona rafigurante la "Vergine in trono, un Vescovo e S.Gioan Batista". La cesa parochiàl de Bonavigo la conserva "la nàssita di San Gioan Batista", atribuida nel 1769 a Paolo Caliari. Foto: Pieve de Santa Maria 


Pin It