Scheda 04 - La Piena de l'Adese 1882

Un tempo gh'era vita su l'Adese, i molini i era importanti par l'economia veronese. Dopo la piena del 1882, un poco a la 'olta iè stà cavà, soratuto par questioni de sicuressa. Con questa scheda podémo conòssar come i era fati nei minimi particolari. Buta un ocio a una de le tante curiosità de la çità de Verona.

I Molini su l'Adese
No molto tenpo fa, gh'era i molini su l'Adese anca in çità. Ghe n'era tanti de quei che se faséa cunàr da l'aqua, molinimentre quei su tera ferma i era sicuramente de manco e i se catava più a nord. Nel 1239 secondo un documento se contava na çinquantina de molini ciamà "natanti". El nome el vién dal fato, che, sia el deposito del gran, che quel dele màsene i era postà su tri barche "sandoni". Su du gh'era la casa,co' funsión de protessión su magasin e màsene, el terso barcón el sostegnéa la grande rua idraulica a pale larga çirca 5 metri de diametro. La strutura l'era de forma quadrata de 10 m de lato, ancorada a riva con na grossa càdena "castria". Al molin se ghe 'ndàa tramite 'na passerela "peagna" che de inverno l'era come 'na sbrissiarola. Sul molin, oltre ai çereali se masenàva coloranti, zolfo, calçina.



pienaLa piena del 1882
Come dito in precedensa 'numerosi molini su L'adese iè stà smigassà da la tragica piena del 1882. L'aqua la viagiàva a oltre 20 chilometri orari nela note tra el 15 e 16 setenbre. L'era stà previsto che dovea piòar, ma nissun se imaginàa che l'Adese se ingrosasse in chela maniera, invadendo con un casin mostruoso case, strade, piasse e mandando le case pìù basse dela çità soto aqua El 17 setenbre du tersi de Verona l'era imbombegà, le piasse i era diventà stagni, le vie progni, e tuto el resto l'era fango e melma. Adiritura le barche de socorso non le podéa transitàr soto Porta Borsari. Al ponte Piera l'aqua l'era alta 12 m, Veroneta l'era messa veramente mal. Case croade o trasportade con la gente drento, le abitassioni dal 'Adese. 4500 palassi de Verona i era ne l'aqua fin ai primi tri piani. 300 distruti del tuto. Du ponti, 20 molini, e 27 rue idrovore i-era stà spassade ìa. La reassión l'è stà pronta e in poco tenpo costruidi novi arzari pìùsicuri e interadi la magiorparte dei canali de Veroneta. El 27 setenbre 1882 l'ù vegnudo el re Umberto I in aiuto e par confortàr la gente. Nel 1884 ricostruido el PonteNovo gh'è stà dà el nome de Ponte Umberto.
 

Pin It