Scheda 06 - Monumenti romani

Domila ani fa iè passà i romani da Verona lassàndone una bela eredità de monumenti, come la rena e i resti del teatro romàn sensa contàr el ponte pièra e l'arco dei Gavi. Volémo capìr parò, quanto i era grandi in origine e quante persone le podéa tegnèr el teatro e l'anfiteatro. Piassè de vintimila persone i era presenti drento la rena, un bel nùmaro par el tempo, che pol farne pensàr l'importansa strategica de la nostra çità





ArenaLa Rena
El nome Rena el deriva dal latin, che vòl dir sabia. La Rena l'era posissionada fora dale mura çitadine, ma nel 265 d.C. misureGalieno el l'avea inglobà nela recinsión muraria. L'anfiteatro l'è sta fato co' 'olte ben arotondà e muri radiali che i se slarga a onda e i finisse al'esterno con 3 arcade, una sora l'altra. In caso de acqua a sece roerse, gh'era 'na canalèta che portava l'aqua passando soto stradón Mafei nel' Adese. In marmo dele cave de S.Ambroso de Valpoleséla, l'è el terso anfiteatro romàn par via de grandessa dopo Roma e Capua. Ancò la circonferensa esterna l'è de 391 m, na olta l'era 435 m. Ogni piàn el gà 72 arcade su 73 pilastri. El terso anèl l'è croà nel 1117 par un teremoto. Ospitava ben 22000 persone e podéa èssar quertà in caso de sòl leòn In epoca romana l'era usada par combatimenti tra gladiatori e lote tra animali catii che i vegnéa dal'Africa. In epoca scaligera, Alberto dela scala l'avèa usado dei gradoni par rinforsàr le mura citadine, così la rena l'era deventà 'na cava de marmo, baracopoli e sito 'ndoe butàr materiàl de scavo. Nel 1913 la prima rapresentassion lirica de l'Aida. schema: a: misurassion assi in metri (esterno)  b:misurassion assi in metri (interno)  c:altessa Rena in metri a 3 piani e 2 piani (atual).


romano01Teatro romàn
Prima de costruìr el teatro, gh'era sta fato un arzaro su l'Adese vissin a la sèna e una bela busa par romano02stacàr da la colina la gradinada. Col materiàl ricavado dal scavo i romani che no iera insemenìdi i gà fato el teatro, . La parte sènica l'era costituida da postsènio, frontesèna e prosènio che se alsava sul piàn del'orchestra da 'ndoe el separàva dala fossa sènica profonda 1,40 m. Dela sèna davanti se pòl notàr ancora la metà de sinistra. 'Na 'olta l'era divisa in tre buséte: una in meso bela profonda e du più picenine de fianco retangolari. El spassio par l'orchestra, el coro e dela dansa el gavea un diametro de 30 metri. Al'inissio dela gradinada sora ale entrade che gh'era dale parti te podei catàr i tribunalia che i era i posti d'onor (poltronissime). La gradinada centrale superiore l'era sostegnuda da muri arotondadi con 'olte in conglomerado. De fora se vedea tri stili diversi: ionico, tuscanico e 'n altro pì elaborado. La parte de soto dela gradinada (ima cavea) l'era divisa in siè setori con çinque scalète. La parte de sora, drento al teatro, l'era rifinìa da 'na galeria. El Teatro l'era alto trenta metri. foto: Incision del XVIII secolo del Teatro. Come el dovea presentarse ai tempi dei romani.

Pin It