Scheda 08 - La Losa de Montorio

Ci podéa pensarlo che a Montorio ghe fusse un giardino a l'italiana, el più vecio d'Italia o che parfìn el Boccaccio l'à parlà de 'sti posti. 'Ndóe gh'è aqua, gh'è vita, e in questo caso l'à dato una grossa man a tuto el teritorio de Montorio e no solo, anca a quèl de la çità e de San Martìn quando gh'era la famosa suta de l'istà.  La Republica Venessiana l'èra de casa, ma anca i fioi de Dante Alighieri i s'à catà veramente ben a Montorio




Montorio01picLa Losa de Montorio
La Rena Domila l'à riscoperto un toco de storia Veronese scomparsa e a conossensa de pochi intimi. Montorio50Nela foto a fianco se pol notàr dele case un po vece, un portego e un cortil belo grando. Ste case iè a Montorio vissin al Laghéto Squarà. Tuto se podarea pensàr ma che na olta l'era "La Loza" dei Scaligeri quela proprio no! (Foto destra: La Loza come la se presenta nel domila...)  Nel' XI secolo l'era un palasso giudissiario dove i controlava anca le aque soto l'aministrassion del Monastero de San Zen (Racolta dela Deçima, distribussión dei pascoli dala Lessinia a l'Adese e sede del tribunàl çivil e eclesiastico).I Scaligeri sucesivamente i g'avéa otegnù i diriti sule aque da parte de San Zen. (Foto sinistra: Mapa del 1700 de un çerto Bighignato, 'ndoe se vede la Loza nel 1500). Nel 1273 Alberto dela Scala l'avéa fato un "alveo soteraneo" che 'l portàa l'aqua del Squarà al'interno del palasso e a la pescheria al çentro de la corte. Nel 1363 Cansignorio dela Scala l'avéa messa a novo e sgrandà el complesso dele "Loze" compreso nela "Fatoria Scaligera" la quale l'era sta venduda nel 1410 a un çerto Azzo Francesco de Castelbarco "Palatium Ulivedo",  confiscado e vendudo a Marino Contarini da Venessia par do tersi e a Pasio Guarienti e Bevilacqua notaio par un terso.Montorio28 Sucessivamente i paroni dela Loza i è stadi un çerto Roberto Conte de S.Severin (generàl dela Cavaleria dela Serenissima Rep. de Venessia morto nela bataja de Galiano),  Gaspare Montorio51de S.Severin deto Fracassa secondo conte de Caiasso e la Fameja Battaglia par tresento ani. El primo de 'sta fameja a portàr al masimo splendòr el "Palasso" l'era stà Piero Antonio.  ....el nobile, de fameja Veneta, sfruta el "giardin" no solo come de piasèr e de delissia ma anca come zona da valorisàr economicamente potensiando le fonti idriche che in quel tempo abondàa (Bojo, Fossato Maestro, Fontanela ,Giardin). (Foto: l'anel de piera del boio e l'aqua che boie). El Bojo l'è un sifòn che'l ciapava l'aqua dal Lago Squarà dando vita al Fibio portandola nel giardin rendedolo esteticamente molto belo e ai molini. L'aqua del Fibio la vegnéa usada par primi dai molini che i masenàva gran e farina andando a vàl dai fabricanti de lana, carta e fèr a le Ferrasse, 'ndoe nel 1405 i produsèa le armi par la Republica Veneta. Par l'aqua gh'è stà numarose dispute che al giorno d'ancò se podarèa definirle condominiali. Gh'èra persone che g'avéa un molin longo el Fibio o qualsiasi altra atività e le ciavava l'aqua ai altri sensa autorisassión. Una 'olta adiritura l'era intervegnudo el "Magistrado ale Aque". Ritornando al Squarà, un tempo partia anca el Fiumicello (fiumesèl) utilisado pìù dale lavandare che par scopi industriali e 'l sfociàva nel'Adese dove gh'éra i molini natanti. Nel 1539 Giò Lodovico Battaglia inissiò contrasti con i consorti del Fiumicello. Da una testimoniansa tradoto dal Montorio30latin se lese Montorio27che parfin Boccaccio g'avéa dito de le feste che se tegnéa a palasso (sensa esserghe stà de persona): "Le çene a Montorio, le se svolgéa a l'aperto presso le freschissime e limpidissime fontane e i bali soto foto le frasche apositamente costruide. El Bandello el ricorda anca un pergolato nel giardin (vissin al Palagio) 'ndoe el se ritirava con alcune personagi dopo pransi e çene "luculiani" e bali e canti e suoni che durarono tuta la giornada. Se "accenna" anca al "celebrado nel Filocolo da messer Giovanni Boccaccio, piacevole e fecondo scritor, el Castel de Montorio".Chi el castel el vien inteso come Vilajo. infati el continua: <<Quivi facendosi pescare e prendendosi molte truttele, ternali, gamberi e quei delissioni pessolini dala molona grossa, che in diversi loghi i-à sortido nomi diversi e che vojaltri Veronesi ciamè Magnaroni>> l'era intervegnudo anca Lodovico Dante Alighieri (fiol del poeta Dante) che el se trovàa nel podere viçin, nela sò vila de Olivè. Intanto <<essendosi preso zà del pesse assai e fasendo gran caldo el Signor podestà con la compagnia el sà ritirado nel Palasso>>....//  Nel 1820 i Conti Albertini i g'avéa trasformà el palasso nobiliare in edificio popolare. Nel 1920 l'e stà crompado dala Fameja Maggia atuàl propietario che ringrassiemo par el materiàl fornido. (In rosso trategiado se pòl notàr "l'alveo soteraneo" fato costruir da Alberto dela Scala nel 1273 par portàr aqua dalo Squarà al'interno dela Loza Inoltre se pòl notàr el bojo (color azuro in alto a sanca ) ,du bojeti minori, e tuta la geometria del giardin dela fameja Battaglia, con al çentro la fontana (una 'olta pescheria) nel 1500.
Montorio05

Pin It