Canpionato Dialetàl

El Canpionato del mondo de le tradissioni veronesi, un qualcosa de unico, par imparàr qualcosa e portàr la veronesità nel mondo. Ognuno de voialtri pol parteçipàr e no costa gnente, l'importante l'è gòdarse. Ogni canpionato finisse co' la consegna de le pergamene e dei premi durante la serata evento, par darghe la possibilità a ci pol, de incontrarse, far do ciàcole e passàr un momento in alegria. Varda le foto, lèsi le dimande e le risposte de l'ultima edissión.

 



REGOLAMENTO CANPIONATO 2020

REGOLAMENTO CANPIONATO 2020

REGOLAMENTO CANPIONATO v.2020

El Diretòr el farà de le dimande (da 8 par turno) che'l spedirà via imeil
(par 3 turni) a tute le squadre parteçipanti su:
-Parole dialetali -Storia de Verona, Provincia, Carnevale Veronese
-Cruciverba e Anagrama
-Cartoline vecie de Verona e Provincia
-Foto su l'arte a Verona e de cantoni sconti de Verona e Provincia
-Poesie
-Cultura Moderna Veronese
Le squadre le dovrà rispòndar entro un dato periodo (vedi p.4.1) al'indirisso canpionato@larenadomila.it

ISCRISSIONI - verte dal 7 genàr al 5 aprìl 2020 - Min 10 / Max 20 squadre
(in caso de nùmarose richieste el nùmaro pol aumentàr)
Par iscrivarse bisogna lésar tuto el regolamento e scrìvar a canpionato@larenadomila.it specificando:
-Nome dela Squadra (es. Paese, soranome, roba da magnar o qualsiasi altra cosa che la g'à a che far Verona e la cultura Veronese)
-Nùmaro Conponenti: da 2 a 4 Veronesi Provinsia – da 1 a 4 Veronesi fora Provinsia – 6 se presenti dei parenti (es.moiér o fioi ecc.) – Squadre miste da 1 a 4
-Nome o Soranome dei componenti (gnente cognomi)
(L' è vietado canbiar i componenti durante el canpionato)
-Indirisso I-meil del capitàn dela squadra (par ci vol anca un secondo indirisso) L' indirisso no'l pol essar canbià durante el canpionato.
-Logo de Proveniensa
-La Diression se la vol ve spedirà via imeil la conferma d'iscrission entro 24 ore da la data de spedission de la vostra imeil con un codice identificativo de squadra.
-Una 'olta iscriti vegnarà spedì la locandina ricordo del canpionato.
-No pol partecipàr al Canpionato ci l'è membro o ci l'è stà membro de la giuria (e relativi familiari) e/o ci colabora nel sito con rubriche storiche, cruciverba, proerbi, modi de dir. Ci l'a protestà o invià imeil de protesta no pol parteçipàr.

1.Canpionato:
1.1 Canpionato Dialetàl su 3 turni.
1.2 El Canpionato l'è a giron unico

2.Puntegio:
2.1 El puntegio el vien somà dal'inissio a la fine del canpionato. puntegio I° Turno + II° turno + III° turno.
2.2. In caso de parità de puntegio se varda ci l'à sbajà de manco.
2.2.1 Se persiste la parità se varda l'ordine de arivo dele risposte. Se in questa speciàl classifica la difarensa la risulterà inferior a 50 punti le squadre le sarà classificade a pari merito.
2.2.2 L'ordine de arivo el sarà convertì in puntegio e vegnarà publicado: es: 1° punti 200 - 2° punti 170 - 3° punti 160 ecc. (oviamente el vegnarà somà par tuti i 4 turni) tegnendo conto de velocità (1°-2°-3° ecc), giorno d'arivo (1°giorno-2° Giorno ecc), erori comessi ne le dimande.
2.3 La clasifica del canpionato la vegnarà publicada dopo 3 giorni dal termine del tempo de risposta.

3.Dimande:
3.1 El Diretor el spedirà a tute le squadre le dimande via imeil, sié par turno. Se par motivi tenici le squadre no le riceve le dimande, bisogna consultàr obligatoriamente el sito.
3.2 Come zà specificado ne la "Presentassion" le dimande i è divise par categorie
3.3 Le Dimande le vegnarà spedì la sera prima de la data stabilì entro le ore 22. In caso de problemi la giuria Ve risponderà entro 24 ore da l'invio de la "richiesta d'aiuto".
3.4 "No serVe essar poeta!" - Inventa 'na Poesia... La Poesia sarà composta in 8 righe; a esempio le righe dispari le sarà inserì dal Diretor (dopo aver siélto da le poesie del Berto) mentre le righe pari da le squadre. Deve vegnér fora 'na poesia de senso compiù. Vien premià soratuto "l'idea" e la "fantasia". Par eventuali erori de ortografia seremo un ocio, basta che no sia gravi da impedir de capir el senso, fasemo nojaltri le eventuali coressioni prima de publicarle. Le poesia le vegnarà composte a partir dal primo turno. 8 righe (se in più e in manco el voto sarà 0)

Un esempio:
Diretor: Eco qua mondo pitoco
Squadra: ...la balada de l'oco!...
Diretor: Drito in meso a la cusina
Squadra: ...su na teja picenina...
Diretor: Me comare moscardina
Squadra: ...ghe da 'na saladina...
Diretor: Che bisogna festegiar
Squadra: ...che diman 'ndemo al mar!

3.5 Un tochetìn - nel secondo turno vegnarà consegnà dei tochetìni de 'na cartolina del '900. Ci ghe imbroca diséndo la località giusta ciapa 5 punti, se ghe imbròca nel terso turno co' più tochetìni ciàpa 3 punti.

3.6 "Coeficente de dificoltà" se la squadra lassa le righe ne l'ordine proposto dal Diretor, le g'avarà un puntegio piassé alto. Se una squadra vol missiàr l'ordine de le righe proposto, ghe vegnarà cavà 1/2 punto.

4.Risposte:
4.1 Tempi de risposta via imeil a canpionato@larenadomila.it
I° Turno: dal 10-20 aprìl 2020
II° Turno: 27 aprìl - 07 maio 2020
III° Turno: 15-25 maio 2020

4.4 Se pol rispòndar a partìr da le ore 12 del primo giorno (ci risponde prima, el vegnarà considerà come ultimo a rispòndar).
4.5 Ci risponde: un giorno oltre el termine stabilido ghe vegnarà cavà 3 punti du giorni oltre el termine stabilido el vegnarà cavà 5 punti ci no risponde el vegnarà espulso
4.6 Ogni 'olta che se spedisse le risposte a canpionato@larenadomila.it, in automatico Ve sarà spedì un imeil de ricession da parte de l'organisassion. Se par caso non Ve 'riva la risposta de ricession entro poche ore, vol dir che l'organisassion no l'à ricevù nissun imeil da parte Vostra.
4.7 Ci risponde in maniera justa a tute le dimande e in poesia el ciapa almanco 6 (soto al 6 l'è considerà eròr), entro el 18 april nel 1° Turno -entro el 05 màio nel 2° Turno -entro el 17 majo nel 3° Turno, el riceverà in regàl 2 punti in più in classifica a la fin del canpionato. Con 1 eror 1 punto. El bonus l'è valido solo sui tre turni.

5. Par i partecipanti: A tuti i partecipanti che i à risposto a tuti e tri i turni, ghe vegnarà spedì via imeil el diploma de partecipassion a parte la Pergamena de la Veronesità a le prime 3 classificà

Premiassion -  causa CoronaVirus l'è Sabo 30 maio a le ore 21.15 sul canàl Youtube de www.larenadomila.it

5.1 Premi de Categoria
La squadra che risponde in maniera completa a le dimande (zontando altre informasioni a la risposta da dar) la gavarà el dirito al premio "Secia", altri premi:
Premio Asso de Cope = A la squadra seconda clasificada
Premio Sinpatia = Par el nome pi bel votà da le squadre partecipanti
Premio 12° Concorso Poesia Barbarani = A la poesia pi bela
Premio Mastino = A le squadre più combative che le rimonta almanco 8 posissioni in tri turni.

p.s. Ci parteçipa al canpionato l'è obligà a presentarse a la serata de premiassiòn co' almanco un componente (a parte i veronesi fora provinsia) o rìspondar, par st'ano a tuti i turni. El canpionato l'è 'na festa par Verona, par ci parteçipa e par ci organisa che ghe mete l'ànima, la Vostra presensa l'è fondamentàl par la riussida!

6. Concorso de Poesia Berto Barbarani: A la poesia più bela (p.3.4) vegnarà consegnà una cartolina-diploma inedita del grande Berto Barbarani. Par entràr tra le candidate al premio, te devi rispòndar in maniera giusta a 1 dimanda par ogni turno.

7.Reclami: IscrivendoTe al canpionato, Te si d'acordo sul regolamento in tuti i so ponti chi de sora indicadi e del giudissio insindacabile dela Diression. Dunque l'è proibido reclamàr. Ci reclama durante el canpionato el vegnarà espulso.

8.Conclusioni: Lo spirito justo par partecipàr al Canpionato l'è: -Averghe voja de imparàr qualcosa de novo. -Contribuìr con la propia sapiensa a la divulgassión de la nostra léngua. -No preocuparse se i risultadi jè negativi, non sà mai finìo de imparàr. -No 'bandonàr el Canpionato in corso, bisogna savér ciapàr anca i risultadi negativi, avendoghe così anca rispeto par ci organisa e de ci partecipa. -L'importante l'è parteçipàr, parchè quel che deve vìnsar l'è la léngua veronese.

P.S. Come da lege su la Privacy i dati de persone, indirissi imeil dei partecipanti non vegnarà ne distribuidi e ne publicadi sensa l'autorisassión dei interessadi su internet o altri sistemi de comunicassión. Questi dati i vegnarà utilisadi solo par comunicassioni tra La Rena Domila e i interessadi par invio dimande e/o informassioni relative al canpionato o al sito.

I CANPIONATI - LIVRE D'OR

I CANPIONATI - LIVRE D'0R
Edissión 01-2000 Primo Canpionato - Viva la pearà
Edissión 02-2000 Trofeo Barbarani - Viva la pearà
Edissión 03-2001 Trofeo XII Apostoli - Viva la Pearà
Edissión 04-2002 Trofeo Botega del vino - I Tri Dotori
Edissión 05-2003 Trofeo Papà del Gnoco - El Cavàl de Gonela
Edissión 06-2004 Trofeo Verona Rateriana - I Cavassini
Edissión 07-2005 Trofeo Tomaso Da Vico - La Famèja
Edissión 08-2006 Trofeo Porta San Zèn - Fritàja co'la sèola
Edissión 09-2007 Trofeo de l'Adese - Straca Massele / Bala che vegna
Edissión 10-2008 Decimo Canpionato - Butelèti sensa buganse
Edissión 11-2009 1°Trofeo Al Camiere - Fritàja co' la sèola
Edissión 12-2010 2°Trofeo Al Camiere - Le Ave Mate
Edissión 13-2011 3°Trofeo Al Camiere - I Du Falcheti
Edissión 14-2011 Cenpions Lig Trofeo de Santa Lussia - Taca la cola
Edissión 15-2013 4°Trofeo Al Camiere - Pescantinopoli
Edissión 16-2014 5°Trofeo Al Camiere - Fritàja co' la sèola 
Edissión 17-2015 Trofeo Sandokan - Dighe ochi ti a le ànare
Edissión 18-2016 Trofeo San Roco - Élo gnente?
Edissión 19-2017 2°Trofeo San Roco - Le Ave Mate
Edissión 20-2018 3°Trofeo San Roco - Elkjaer Sindaco
Edissión 21-2019 4°Trofeo San Roco - Fritàja co' la sèola 

>> tute le edissioni

SQUADRE PARTECIPANTI 2020

SQUADRE PARTECIPANTI 2020
01-Fritaja co' la Seola 2 Verona
02-Ave Mate 3 Sanguinè/Regio Emilia
03-I Fioi del Bandàr 2 Stadio Borgo Milàn
04-Cani dal Porco 6 Quinsàn
05-Trio Paloma 3 Corubio, Parona, Somacampagna
06-Ganassoni  2 Toronto (CAN)
07-Bele muse 3 Barçelona (CAT)
08-Elkjaer Sindaco 3 Stadio Golosine
09-Tochi tochéti tocòni de pan ? 3 Bussolengo/Pescantina/Áesa
10-Dighe ochi, ti, a le anare 3 Becasieta
11-Sempre VerTo 3 Bionde (Verona) / Torìn
12-Se no te caghi, te cagarè 6 Verona
13-I Sogni 5 San Michèl Ex. / Milàn 
14-Polenta e Fasói 2 Porto Alegre (BRA)
15-Péssega che l’è stróo 4 Valpantena / Breòni 

DIMANDE & RISPOSTE 2020 1°T

PRIMO TURNO

1) Questo bel mosaico romàn conservà nel museo archeologico, l'è stà catà a l’inissio del ‘900: p.3
a) durante i scavi de una vila in Valdonega
b) durante i scavi par far dei cessi publici
c) durante i scavi par sistemàr le fogne a S.Stefano
d) durante la sistemassión del Museo Archeologico

foto 01 01

2) Questo bel dipinto podémo catàrlo a: p.3
a) San Zen
b) San Fermo
c) Santa ‘Nastasia
d) nissuna de quele sora, specificàr...

foto 02 01

3) Drento la poesia Barbaraniana. Berto Barbarani el ne dise che la so morosa: p.3
a) L’è pronta e sucarìna
b) L’è piena de grassia e furba de talento;
c) L’è piena de forsa e de talento
d) La fa i denti, la li struca

4) In questa cartolina del ‘900 se catémo nel Comùn de: p.3
a) Albaredo
b) Bussolengo
c) Cassàn 
d) Arcole

foto 04 01

5) A.A.A. Catémo sora un giornàl de metà ‘800, che el Signòr Scudelari,
     l’éra riussì a far deventàr trasparente la colofonia doparà par el violìn. Che laòro faséa el siòr Scudelari?: p.3
a) Fondéa campane
b) El farmacista
c) Vendéa capèi
d) Orefice

6) El "péto del lóvo" l'è: p3
a) un cùcio
b) un fòngo
c) un nìo de pulsìni
d) una caramèla a la regolìssia

7) Un tempo, Via Ponte Aqua Morta, Via Crose de Malta e Via Disciplina, 
     i-éra 3 vie, che tacàde i-é riussì a dar vita a l'atuàl : p3
a) Via Trezza
b) Via San Paolo
c) Via Seminario
d) Via Carducci

8) Varda el primo tochetìn de la foto,  in qual Comune de catémo? 
    p7 (I turno) p4 (II turno) p2 (III turno).... dopo el terso tentativo sbaià p0

foto 08 01

DIMANDE & RISPOSTE 2020 2°T

SECONDO TURNO

8) Completàr la poesia max 8 righe (no de manco e no de più), co' fantasia e bon senso; punti da 4 a 7. Se no te rispondi o te scrivi 7 o 9 righe, 0 punti, parole italiane/italianisàde 1/2 punto in manco. Te pol modificàr l'ordine de le righe. Parole volgari voto 4. El premio Barbarani va a premiàr ci ghe soméia co' la so poesia a quela Barbaraniana

La sia Minica l'è in sagra
…………………………………
par i schei de le galéte
…………………………………
che ghe fa calàr le tete
………………………………..
che la fa deventàr magra
………………………………… 

 





 

DIMANDE & RISPOSTE 2020 3°T

TERSO TURNO

8) Completàr la poesia max 8 righe (no de manco e no de più), co' fantasia e bon senso; punti da 4 a 7. Se no te rispondi o te scrivi 7 o 9 righe, 0 punti, parole italiane/italianisàde 1/2 punto in manco. Te pol modificàr l'ordine de le righe. Parole volgari voto 4. El premio Barbarani va a premiàr ci ghe soméia co' la so poesia a quela Barbaraniana

Fèrmate Nane, Fèrmate 'na s-ciànta
…………………………………
L'Adese in corsa, qua, par che el se incanta
…………………………………
L'Adese dorme, ma nissun lo sveia
………………………………..
tuti i dolori de la so fameia
…………………………………




CLASSIFICA  - 2019



Classifica finàl
class 03 2019
Classifica dopo el secondo turno

class 02 2019
Classifica primo turno
class 01 2019
** class.meil velocità (al momento +2 ponti a fine canpionato)
Class. meil:
1° risposte entro il 18 aprìl primo turno - 5 maio 2°t - 17maio 3°t
2° risposte  sbaià
3° quando iè rivà le risposte (ultime do colone punti e dif. in giorni minuti e ore)

FOTO PREMIASSIÓN

 





 
// Podarìa interessarte
Canpionato + Tamara SuperEnaloto  Tarochi + Test Veronesità  CruciVerona



Pin It