Canpionato Dialetàl
REGOLAMENTO CANPIONATO 2023
REGOLAMENTO CANPIONATO 2023 |
REGOLAMENTO CANPIONATO v.2023 El Diretòr el farà de le dimande (da 6 a 8 par turno) che'l spedirà via imeil ISCRISSIONI - verte dal 05 setembre al 31 otobre 2023 - Min 10 / Max 20 squadre 1.Canpionato: 2.Puntegio: 3.Dimande: Un esempio: 3.6 "Coeficente de dificoltà" se la squadra lassa le righe ne l'ordine proposto dal Diretor, le g'avarà un puntegio piassé alto. Se una squadra vol missiàr l'ordine de le righe proposto, ghe vegnarà cavà 1/2 punto. 4.Risposte: 4.2 Se pol rispòndar a partìr da le ore 12 del primo giorno (ci risponde prima, el vegnarà considerà come ultimo a rispòndar). 5. Par i partecipanti: A tuti i partecipanti che i g'à risposto a tuti e tre i turni, ghe vegnarà spedì via imeil el diploma de partecipassion a parte la Pergamena de la Veronesità a le prime 3 classificà Premiassion - 9 decémbre a le ore 21.00 in presensa / logo da definìr 5.1 Premi de Categoria p.s. Ci parteçipa al canpionato l'è obligà a presentarse a la serata de premiassiòn co' almanco un componente (a parte i veronesi fora provinsia) o rìspondar, par st'ano a tuti i turni. El canpionato l'è 'na festa par Verona, par ci parteçipa e par ci organisa che ghe mete l'ànima, la Vostra presensa l'è fondamentàl par la riussida! 6. Concorso de Poesia Berto Barbarani: A la poesia più bela (p.3.4) vegnarà consegnà una cartolina-diploma inedita del grande Berto Barbarani. Par entràr tra le candidate al premio, te devi rispòndar in maniera giusta a 1 dimanda par ogni turno. 7.Reclami: IscrivendoTe al canpionato, Te si d'acordo sul regolamento in tuti i so ponti chi de sora indicadi e del giudissio insindacabile dela Diression. Dunque l'è proibido reclamàr. Ci reclama durante el canpionato el vegnarà espulso. 8.Conclusioni: Lo spirito justo par partecipàr al Canpionato l'è: -Averghe voja de imparàr qualcosa de novo. -Contribuìr con la propia sapiensa a la divulgassión de la nostra léngua. -No preocuparse se i risultadi jè negativi, non sà mai finìo de imparàr. -No 'bandonàr el Canpionato in corso, bisogna savér ciapàr anca i risultadi negativi, avendoghe così anca rispeto par ci organisa e de ci partecipa. -L'importante l'è parteçipàr, parchè quel che deve vìnsar l'è la léngua veronese. P.S. Come da lege su la Privacy i dati de persone, indirissi imeil dei partecipanti non vegnarà ne distribuidi e ne publicadi sensa l'autorisassión dei interessadi su internet o altri sistemi de comunicassión. Questi dati i vegnarà utilisadi solo par comunicassioni tra La Rena Domila e i interessadi par invio dimande e/o informassioni relative al canpionato o al sito. |
I CANPIONATI - LIVRE D'OR
I CANPIONATI - LIVRE D'0R |
Edissión 01-2000 Primo Canpionato - Viva la pearà Edissión 02-2000 Trofeo Barbarani - Viva la pearà Edissión 03-2001 Trofeo XII Apostoli - Viva la Pearà Edissión 04-2002 Trofeo Botega del vino - I Tri Dotori Edissión 05-2003 Trofeo Papà del Gnoco - El Cavàl de Gonela Edissión 06-2004 Trofeo Verona Rateriana - I Cavassini Edissión 07-2005 Trofeo Tomaso Da Vico - La Famèja Edissión 08-2006 Trofeo Porta San Zèn - Fritàja co'la sèola Edissión 09-2007 Trofeo de l'Adese - Straca Massele / Bala che vegna Edissión 10-2008 Decimo Canpionato - Butelèti sensa buganse Edissión 11-2009 1°Trofeo Al Camiere - Fritàja co' la sèola Edissión 12-2010 2°Trofeo Al Camiere - Le Ave Mate Edissión 13-2011 3°Trofeo Al Camiere - I Du Falcheti Edissión 14-2011 Cenpions Lig Trofeo de Santa Lussia - Taca la cola Edissión 15-2013 4°Trofeo Al Camiere - Pescantinopoli Edissión 16-2014 5°Trofeo Al Camiere - Fritàja co' la sèola Edissión 17-2015 Trofeo Sandokan - Dighe ochi ti a le ànare Edissión 18-2016 Trofeo San Roco - Élo gnente? Edissión 19-2017 2°Trofeo San Roco - Le Ave Mate Edissión 20-2018 3°Trofeo San Roco - Elkjaer Sindaco Edissión 21-2019 4°Trofeo San Roco - Fritàja co' la sèola Edissión 22-2020 - I Fioi del Bandàr Edissión 23-2021 - Elkjaer Sindaco Edissión 24-2022 - Elkjaer Sindaco Edissión 25-2023 - Granfati! >> tute le edissioni |
SQUADRE PARTECIPANTI 2023
SQUADRE PARTECIPANTI 2023 |
||
01-Fritaja co' la Seola | 2 | Verona |
02-Ave Mate | 3 | Sanguinè/Regio Emilia |
03-I Fioi del Bandàr | 2 | Stadio Borgo Milàn |
04-Le Sgalmare | 3 | Corubio, Parona, Somacampagna |
05-Ganassoni | 2 | Toronto (CAN) |
06-Bele muse | 3 | Barçelona (CAT) |
07-Elkjaer Sindaco | 3 | Stadio Golosine |
08-Pescantinopoli 10 ani dopo | 3 | Bussolengo/Pescantina/Áesa |
09-Me compare Giacometo | 3 | Castel d'Assàn, Becasiéta |
10-I Sogni | 3 | San Michèl Ex. / Milàn |
11-Granfati! | 3 | Bionde / Torìn / Porto |
DIMANDE & RISPOSTE 2023 1°T
1) Nel 1955 Rosanna Carteri sopràn de 24 ani dopo èssar andà in television con la "Traviata" cosa la g'a ricevù? p.4
a) Un baso da Orson Welles finìo el spetacolo
b) Domìla vestiti dal sponsor
c) Tremila proposte de matrimonio <<<
Nel 1955 Rosanna Carteri là rifiutà 3000 proposte de matrimonio parchè secondo ela la so cariera nela lirica no’ la podea andar ben co’ na fameja, par stò motivo l'a rifiutà dele proposte dal cinema american (I Fioi del Bandàr)
2) Storicamente se parlémo de Mastro Orso, Juvintino e Juviano se catémo a: p.3
a) Santa Toscana
b) San Giorgio Inganapoltron <<<
c) Vilanova de San Bonifacio
La pieve de San Giorgio de Valpolesela, dita anca pieve de San Giorgio Ingannapoltron l'è un logo antico de culto catolico situà a San Giorgio de Valpolesèla. Drénto la césa gh'è un antico CIBORIO che el ga dele scrite che el le mete in epoca longobarda e de preciso nel periodo del regno de Liutprando. El ciborio adesso, l'è utilisà come altare magiore e l'è una dele parti piu' interessanti dela pieve, sia par la testimoniasa storica che el riporta, sia par el so presioso valor artistico. Su sto ciborio ghe dele iscrissioni con dei carateri rusteghi incise su do colonine.Sula prima se lese «In nomine Domini Jesu Christi. De donis sancti Juhannes Bapteste edificatus est hanc civorius sub tempore domno nostro Lioprando rege et viro beatissimo pater nostro Domnico epescopo et costodes eius venerabilibus Vidaliano et Tancol presbiteris et Refol gastaldio Gondelme indignus diaconus scripsi» «Nel nome di Nostro Signore Gesù Cristo. Dai doni di San Giovanni Battista fu edificato questo ciborio, al tempo del sovrano nostro signore Liutprando e del venerabile nostro padre vescovo Domenico, e dei suoi custodi venerabili sacerdoti Vidaliano e Tancol, e del gastaldo Refol. Io Godelmo, indegno diacono, scrissi.»
e sula seconda se lese questa. Ursus magester cum discepolis suis Juvintino et Juviano edificavet hane civorium, Vergondus, Teodoalfo scari» «Maestro Orso con i suoi discepoli Iuvintino e Iuviano edificò questo ciborio. Scari Vergondo e Teodoalfo» (Le Sgàlmare)
3) Finissi el proèrbio de Orlando Pescetti: "Tu sè peggio, che quei, da Zago, che davan del letame al campanil, parché... p.3
a) "crescesse" <<< (Sul sito rubrica Càneva)
b) "sonasse"
c) "slongasse la crose"
4) Ămoli e Ampomole stémo parlando de: p.3
a) fruta <<<
b) verdura
c) manìlie e pomèi
5) Completàr la poesia max 4 righe (no de manco e no de più), co' fantasia e bon senso; punti da 5 a 7. Se no te rispondi o te scrivi 2 o 3 righe 0 punti, parole italiane/italianisàde 1/2 punto in manco. Te pol modificàr l'ordine de le righe. Parole volgari voto 4. El premio Barbarani va a premiàr ci ghe soméia co' la so poesia a quela Barbaraniana:
(v.7 Me compare Giacometo)
6) Completa el Cruciverona (p.5) e cata la parola sconta (la g'a a che far co' el 1 rebaltà): (p.2)
Rebaltà: 1. Dona Lombarda par Barbarani 9. Parente de la brespa 10. I sonava nei ani '60 el Beat 12. Banca Nassionàl del Laoro 14. Esclamassion da puntura 15. Località tacà a la Fontana de Fèro 18. Grosso quanto basta 19. Rumàr un poco 20. Ninsola 23. Famoso Re, marì del 1 rebaltà 26. Famosa quéla de "Fèro" che fà aqua 28. Mèso orto 29. No piene 30. No òmo 32. Mèsa mora 33. Fruto "garbo" del Garda 35. Te pol farlo col naso 36. 60 min.
In pié:1. Al "rogo" sensa pari 2. Ficàr un dièl ne l'òcio 3. In "Val" a Veroneta par Barbarani 4. Cortèl che i g'a fato el fil 5. In mèso a la cuna 6. Prime del Re 7. Verbo da "campo" 8. Verbo da ostària 11. Forma de negassion 13. Grossa tela impermeabile 16. Ciavàr le galine 17. Salado fato a féte 21. Butèl che no conosse i genitori 22. Afàr che no se fa più 24. Lata sensa pari 25. Utilisà controvoia dal 1 rebaltà par béar 27. Qualcosa che dà fastidio al naso 28. Mèso onto 31. Tipo de pianta 33. No qua e là 34. Moro sensa pari
DIMANDE & RISPOSTE 2023 2°T
1) Nei ani trenta del '800 quàl'érelo el giornàl o rivista che no g'avéa a che far co' Verona? p.4
a) Foglio
b) La curiosità ameno-morale
c) Il Compagno della gioventù <<<
LOGO MOGLIANO l’era un mensile. ( Nela publicazion de Marso del 1836 de’ “FOGLIETTO D’ANNUNCI DELLA BIBLIOGRAFIA ITALIANA” se cata un elenco de opere co’ el logo de publicassion - LA CURIOSITA’ AMENO-MORALE el logo l’era Verona e l’era mensile – FOGLIO DI VERONA – logo Verona el vegnea publicà ogni tri setimane)... (I fioi del bandàr)
2) Berto Barbarani nel lujo del 1927 quando l'è desmontà a la stassion de Vilafranca, l'à ciapà un "bucefalo" e cosa l'è sucesso? p.4
a) L'è finìo drénto la vetrina del café Fantoni, spacandose do coste
b) El s'a catà davanti "la fiera de le mosche" <<<
c) El s'a catà davanti la "festa de l'Angelo" organisà da Dall'Oca Bianca co' ritrato del poeta 3 x 5,5 m
Come riportà in una rivista Gardesana, "la fiera de le mosche" l'è riferido al bucefalo pién de mosche, un modo barbaraniano par descrìvar quéla strana nùgola che s'a catà denànsi.
3) Proèrbio in anagrama da completàr 1,4,2,2,4,4 (magnàr, béar, età)... p.3
AA C EEE II L NN OO S T VV
A TOLA NO SE VIEN VECI <<<<
4) In qualche località a sud de la çità de Verona al fongo "Pallus Impudicus" o "Satirione" ghe vién dato el nome.. p.4
a) fongo del diàolo <<<<<
b) fongo bolàdo
c) fongo da bissi <<<<<
Le risposte possibili iéra du,ma la risposta da premio sécia parò l'è "Fongo da bissi", in quanto gh'è una curiosità interessante. El fongo s'a un udor da smarso e le mosche e le sdinzale le se posta sora; cossita al bisso ghe vién voia de magnàrle. El fongo del diàolo l'è conossù anca come "ovo del diàolo" mentre i "dièi del diàolo" l'è un altro fongo, ciamà sempre "fongo del diàolo". Ma la dimanda, diséa "che nome ghe vién dato in qualche località a sud de la çità", in alcune località vién utilisà la forma generica "fongo del diàolo" in altre, "ovo del diàolo" e in altre ancora "fongo da bissi".
5) Nel XVIII secolo tacà a la césa de S.Stefano a Verona, cosa gh'éra? p.3
a) La tomba de un templàr ( 'desso a San Fermo) <<< premio secia
b) Botéga de bira Dobrawsky (Questa l'éra a le Regaste San Zén)
c) Un camposanto <<<< presente ne la rubrica "Càneva Archivio Storico". Complimenti par ci l'a catà oltre a la precedente anca.. secondo una fola la tomba l'è stà spostà da San Stefano- a San Fermo.
6) Poesia> Completàr la poesia max 8 righe (no de manco e no de più), co' fantasia e bon senso; punti da 4 a 7. Se no te rispondi o te scrivi 7 o 9 righe 0 punti, parole italiane/italianisàde 1/2 punto in manco. Te pol modificàr l'ordine de le righe. Parole volgari voto 4. El premio Barbarani va a premiàr ci ghe soméia co' la so poesia a quela Barbaraniana:
A la dominica, finida messa,
ci scapa de pressia, ci resta a vardar
i zugadori persi sul stradon
che i core, i se sburta, i seita a criar:
«siè la batuda, quatro la rimessa»
"t'o dito de no, te sbai a contar!"
i perpetua le sfide del balon..
e ci perde paga un goto de quel bon.
V.7 Me compare Giacometo
A la dominica, finida messa,
i zugadori persi sul stradon
pessatando ‘na bala de buèl
i perpetua le sfide del balon...
E proprio nel bel mezo dela piassa
ghè ancora cuei che zuga a tamburèl
«siè la batuda, quatro la rimessa»
…ma ‘ndo èlo nà Minico Bardassa ?
V.7 Fritaja co' la séola
DIMANDE 2023 3°T
1) Nel decémbre del 1852 a Gaium, (località che varda Volargne, prima de la Ciusa a l'inissio de la Val de l'Adese) Don Bernardo Butturini nei registri parochiali el g'a segnà una cosa particolàr: p.5
a) 'Na vaca la g'avù un vedeléto co' do teste
b) Nel mèso de un temporàl 'na piéra l'è cascà su la crose sensa spacarla
c) El s'a catà un altro prete a dir messa
d) Pré co' mandolàri in fior <<<<<<
2) Cosa l'è sucesso ne l'edission del 1806 del "Baccanàle del Gnocco": p.4
a) Gh'éra du "Sire", un italiàn e uno del Tirolo
b) No l'è stà fata par bruto tempo <<<<<
c) Par la prima e unica 'òlta, gh'è stà la "mama del gnoco"
3) Piéro Zenàri conossù come Matìo Zocaro, in una so poesia el ne conta un novo metodo "per preservare i fruti in primavera" consilià da un "medico". p.4
a) Far un buso ne la pianta e métarghe drénto la salàta
b) Vernisa fresca sora le rame
c) Pólvar de strada, zènar e farina drénto a i fiori <<<<<
4) Quale Comùn no g'a una césa dedicà a San Gioàni Batista? p.3
a) Erbé
b) Bonavigo
c) Ferara de Monte Baldo <<<<<
5) Modo de dir in Anagrama, (a che far co' la scola 4,4,5) p.3.
AABCEEFMNNOOR
Anco' femo Berna
6) Completàr la poesia max 8 righe (no de manco e no de più), co' fantasia e bon senso; punti da 4 a 7. Se no te rispondi o te scrivi 7 o 9 righe 0 punti, parole italiane/italianisàde 1/2 punto in manco. Te pol modificàr l'ordine de le righe. Parole volgari voto 4. El premio Barbarani va a premiàr ci ghe soméia co' la so poesia a quela Barbaraniana:
De fassada de mi gh'è do sorele,
che par belessa le ghe n'invansa;
i siorassi ghe prova a far manele
ma "signornò" le dise, "g'aven creansa!"
Quando le canta no le par più ele,
le g'à el fonografo drento la pansa
cioca i piati, trema le arele:
che bel spetacolo jè 'ste butele!
(Me Compare Giacometo v.7.)
// Podarìa interessarte |
Canpionato + Tamara SuperEnaloto + Tarochi + Test Veronesità + CruciVerona |