Tarochi Veronesi

tarochi veronesi
tarochi veronesi
Ogni giorno te pol colegarte in 'sta rubrica par scoérzar come sarà la to giornada. El risultado l'è veloçe, in direta, solo el tempo de caricamento de 'sta pagina!
Varda chi soto.... Grassie a un metodo sièntifico, studià fin dal '700 e rimodernà da La Rena Domila, el risultado el sarà sorprendente. Le carte jè 17 par el sempliçe motivo che 98 jè i Comuni Veronesi compresa Verona, quindi 98 = 9+8= 17. El 9 l'è un numaro dispari che secondo la numerologia setecentesca rapresenta el maligno o la negatività mentre l'8 essendo pari rapresenta la positività. Da la soma de 'sti du nùmari risulta 17 che solitamente i dise el porta sfiga, ma che inveçe l'è un numaro che nei Tarochi Veronesi svela el prossimo futuro. Su le carte gh'è rafigurà i simboli de la cultura, de la storia e de la tradission Veronese, da Cangrande a Bartoldo passando par el Monte Baldo, l'Adese e Santa Lussia. Un pochi de 'sti simboli che proponemo i era conossù 300 ani fa, veneradi dal pitòco e dal sior. Par conossar el significado de la carta lesi chi de soto

 
 



 
// Podarìa interessarte
Canpionato + Tamara SuperEnaloto  Tarochi + Test Veronesità  CruciVerona