curvasup
renna
titoli
femo la conta


Bogon, bogonela

Bogon, bogonela,
tira fora i corni
se no te meto en padela
ti e to sorela.
La mama de me mama

La mama de me mama
l'è me nona
la mama del me ben
l'è me madona.
La m'à mandà a dir
che se no son bèla
la me rostisse
dentro na padela.
Mi g'ò mandà a dir
se la savesse
che dentro la padela
se ghe rostisse el pesse.
La Polenta

Tichete tuchete
Mora me sento
quando la boie
la buto dentro
po ghe demo na mesiadina
o come l'è bona la polentina.
Tutù tutù musseta

Tutù tutù musseta,
la mama la vien da messa
co le scarsele piene
da darghe a le sò butine;
le sò butine no le de vòl,
ghe le darén a Butasòl.
Butasòl l'è nà a la fiera
a comprar na polera
na polera e'n polerìn...
butelo zò dal caretìn!
Piero

pointGh'era na olta
Piero se olta,
casca la suca,
Piero se 'nsuca.

pointPiero pipeta
sensa caneta,
sensa tabaco,
Piero macaco.

pointPiero Pipeta el pianta i pai
monze la vaca e la fa el formai
monze la vaca e la fa el boter,
Piero Pipeta bersaglier.

pointMama, mama, Piero me toca!
Tocheme Piero
che mama no ghè.
Soto el ponte de Verona

Soto el ponte de Verona
ghe na vecia scoresona
che la scora tuto el dì
a bi ci di
ti si fora proprio ti !
Ale bombe

Ale bombe del canòn,
pasta suta e macaron
bin bun ban!
Unci donci trinci

Unci donci trinci
quara quarinci
meri merinci
un - fran - cès!
Orbesin

Orbesin te meno en piassa
a comprar la salata
la salata no la ghè
compraremo quel che ghè
Din don campanon

Din don campanon,
le campane de San Simon
le sonava tanto forte
le butava zò le porte,
le butava zò el portòn,
bim bum bom!
Pioe spioesina

Pioe spioesina
la gata la va 'n cusina
la va soto el leto
la cata el confeto
el confeto l'è duro
la bati el tamburo
el tamburo l'è roto
la salta nel posso
el posso l'è pien de aqua
la va 'n piassa
en piassa ghe pien de zente
la va dal laorente
el laorente el laora
la va da la sisora
la sisora la taja
la va dala fritaja
la fritaja la scota
la va da la Carlota
la Carlota la sta mal,
viva viva el Carneal.
La storia de San Vincenso

La storia de San Vincenso
la dura tanto tempo
che mai no la se destriga...
vuto che te la conta
o vuto che te la diga?
Fioca fioca

Fioca, fioca,
i cani i baioca
le done le cria
i omeni i scapa ia.
Santa che la canta

"Santa che la canta,
che la briga, che la triga,
che la salta sul figaro,
che la ciama el caregaro,
el caregaro le pien de paja,
la butina l'è canaja,
el butin l'è birichin,
tuti so par el camin."
Cicio bomba canonier

Cicio Bomba canonier
fa la caca nel bicèr
el bicèr el s'à spacà
Cicio Bomba el l'à lecà.
A be ce

a be ce
ciapa la gata par en pié
ciapela par la coa
menela a casa toa
e daghe en baso....
soto la coa!
Onghene donghene tringhene

Onghene donghene tringhene
coare coaringole
mandole e fritole
vale valese
un che fa diese
un che fa trenta
far la polenta
farla ben fissa
che no la pissa
for dal stagnà
gnìgnari gnìgnari
gnignarignà.
Formula Magica par sengiùto

Sengiùto nel gosso,
na rana nel fosso
bassìn dela via (bacinella)
sengiùto va via.

Ghe da dirla tre 'olte tuta de un fià parchè te passa el sengiùto (o sangiòto)

conta
FEMO LA
CONTA....
Le pi bele Filastroche Veronesi come Bogon Bogonela, Pioe Pioesina, Piero, Din Don Campanon... >vai
ai tempi de me nono
AI TEMPI DE... A VERONA
Storie de un tempo ne la çità de Verona. >vai
ai tempi de me nono
AI TEMPI DE... IN LESSINIA
Storie de un tempo tra la Valpantena e la Lessinia a cura de Luigi Ederle. >vai
mancie
LE MANCE
AI BUTELETI
Quando un buteleto el fasèa el bravo, o el aiutava so pàre o so màre, el ciapàva la mancia o un premio. >vai
zughi
I ZUGHI PITOCHI
La lista dei zughi de na olta come Ciupascondi, Darsela, Saltamoleta, S-cianco, Peta, Giro tondo........ >vai
el magnar in taola
EL MAGNÀR
IN TÀOLA
El magnàr de la tradissiòn veronese in pratiche schede >vai
proverbi
PROERBI E
MODI DE DIR
La più grande colessiòn de proérbi e modi de dir del veronese su internet >vai
menego maistro
MÉNEGO
MAÌSTRO
Le cure de un tempo co' le erbe, ne la provinsia veronese >vai
mighecredo.htm
MI GHE CREDO
Le tradissioni tramandà de pare in fiòl, da generassioni >vai
menù
La Rena Menù
Se te vol tornàr al menù del sito in pochi secondi....