Radio Scarpa
Una Radio che no l'è una Radio, ma che te porta nel mondo de la veronesità. Te pol scoltàr ogni tanto de le interviste o magari de la musica che parla de Verona o i nostri eventi co' tanto de video su Iutub. In più 20 minuti de notissie, poesie, proérbi. De tuto in pochi minuti.... Se te piase colaboràr, registra la to voçe co' el to celulàr e spedissi el fail a Radio Scarpa.
>Radio Scarpa TV conferense
Par ci no l'è riussì a parteçipar a Veronesi Tuti marti dal 27 de otòbre 2020 al 26 de genàr 2021 a le nostre conferense sul canàl Youtube (IuTub) Radio Scarpa TV de La Rena Domila, se pol macàr i linc qua soto. Se parte co' le tradissioni veronesi, La Lumèra, Santi e morti passando par le vie de Verona, co' le poesie del so cantòr Berto Barbarani par finìr co' l'emigrassión Veneta e 'l carneàl veronese. Par la prima 'olta su internet le conferense de la tradissión, un calcòssa de veramente unico, che val al pena vardàr e scoltàr.Ogni conferensa pol duràr 20 min. G'avì la possibilità de imparàr sempre calcossa de nóvo a gratis e magari nar dai véci e/o in biblioteca par completàr la vostra formassión, par insegnàrghela ai buteléti.
CALENDARIO
24.11.2020 > Fole Veronesi
https://youtu.be/zGrHZJGpNyk
17.11.2020 > La cura de un tempo co' le erbe
https://youtu.be/7v0O6LSqjnA
10.11.2020 > Etimologia e Modi de dir
https://youtu.be/NDJwNbLtO7U
03.11.2020 > Vie e Piasse de la Verona de un tempo
https://youtu.be/FEApzpcjnbI
27.10.2020 > Lumèra, Santi, morti e le tradissioni veronesi
https://youtu.be/lZYltrqd_o0
01.12.2020 > La Vita de Berto Barbarani
https://youtu.be/1cwrjmjej9E
08.12.2020 > Santa Lussia e berto
https://youtu.be/NqK9vmqmFZk
15.12.2020 > Parafrasi poesie siélte Barbarani
https://youtu.be/gps9CXQ8YIo
22.12.2020 > Poesie sconossude Barbarani
https://youtu.be/FWaO5bBNuDg
12.01.2021 > Noèle e Vilóte
https://youtu.be/UQshAWW3-h4
19.01.2021 > Emigrassión Veneta in Brasìl
https://youtu.be/e5UPXwSO4Kg
26.01.2021 > La vera storia del carneàl veronese
https://youtu.be/i6cOogqX52w
>Eventi Musicali a Verona amiçi
XIII°Joy di Maggio - Rassegna CoràlRassegna coràl a San Roco de Quinsàn co' i Evenjoy, Hoppipolla e Unica VBox. Un qualcosa de unico che val la pena de scoltàr, in una serata magica- 'Scolta su IuTub >
Peo Alfonsi & Amos QuartetSerata jazz a San Roco de Quinsàn co' el grande Peo Alfonsi, musicista che'l g'a sonà co' el famoso Al di Meola e Pat Metheny in 50 nassioni in tuto el mondo. Ne la seconda parte de la serata soul jazz co' Amos in hammond quartet veronesi. Serata organisà da la coop. soc. Pericoti e comit.S.Roco. 'Scolta su IuTub >
Coro Stella Alpina & Coro Monti verdi29ma Rassegna coràl de primavera a San Roco de Quinsàn co' el coro Stella Alpina da Verona e Monti verdi de Tirano (So). Co' le nostre telecamere tuto el conçerto. Serata organisà dal Coro Stella Alpina e comit.S.Roco.'Scolta su IuTub >
>Parché l'è nata Radio Scarpa
Parché l'è nata Radio Scarpa (parla el Diretòr)
Nel lontàn 2007 Radio Scarpa l'è nata, par dar la possibilità a un "Speaker Radiofonico", de seitàr a darse da far nel so laòro, anca con gravi problemi de salute. Dal 2009 nel so ricordo, portèmo avanti Radio Scarpa, çercàndo de far sganassàr ci l'è malà e g'a bison de un poco de conforto, come l'avéa desiderà la nostra Maida. G'ò vù el piasér de conòssarla ben e par un pochi de mesi anca voialtri. Grassie a èla, a la so sempliçità e a la so bontà, son cressù anca mi come persona e ringrassio el Signòr de averme dà la possibilità de avérla vù come cara Amiga. Ciao Maida, par sempre nel me cor.... El Diretòr
Cansoni del Diretor: Un baso a Verona (base musicàl Yung Kartz freemusicarchive.org), Spinarati (Jahzzar base musicàl) Paradiso, Trenin, Sogni e altre (Audionatix.com base musicàl)