09 Speciali - 543ma Festa de San Roco

festa san roco
festa san roco
09 Speciali - 543ma Festa de San Roco - L'evento a Quinsàn 

Dal 11 al 16 de agosto 2022 a Quinsàn
, torna la Festa più antica d'Italia co' la so 543ma edission, nata nel lontàn 1480 d.C. El nostro Diretòr Andrea Toffaletti sarà el presentadòr ufissiàl de le 6 serate musicali. La Rena Domila l'è "media partner" come se dise in anglo-latìn, meio dir parò, cari amiçi de la festa. Festa no sagra, parché l'è un momento 'ndoe tuta la comunità de Quinsàn (Chinsàn) la pol stàr insieme in alegria e 'ndoe i volontari se fà su le màneghe par regalàr un pochi de giorni de bonumòr ai veronesi. Una Festa che la stà in pié solo co' la passion e sensa l'aiuto de le istitussioni, che meritarìa più considerassion. Ma parché no se pol mancàr? El magnàr e 'l béar l'è de prima qualità, questo par far in modo che la zénte la possa sentirse a casa e se zontèmo bona musica, la Festa se pol definirla propio Festa. Tra le pietanse segnalémo, a parte el risoto co' el tastasàl e i gustosi bìgoli co' el musso, l'ispanica paella valençiana. No gh'è solo roba da magnàr e bona musica che se sposa co' 'na bira no filtrà soto al campanìl, gh'è anca una bela mostra artistica del grande Ridanio Menini. Se te si da le parti del ponte del Savàl o in Borgo Trento o a Parona.... te manca poco par rivàr a San Roco! Te spetémo!   La Redassión



>   CALENDARIO EVENTO




>  'NDOE SE CATEMO