Giornàda nassionàl dei Dialèti _LRNotissie
17.01.2023 Giornàda nassionàl dei Dialèti
La Rena Domila nel 2023 supia vinti e quatro candeline. Un qualcosa che nissuni pol capìr. Ogni giorno dedicarse con passion e co' amor a le nostre tradissioni l'è sempre un sfida. In questi ani émo incontrà, tanta gente che n'a volù ben, ma anca tanta cativéria sensa motivo. Inveçe de congratularse par el laoro fato, par le nostre riçerche, spetacoli e manifestassioni sensa ciapàr gnanca un grassie e soratuto schèi, semo stà vitime de campagne organisà par farne del mal. La Rena Domila l'è un patrimonio da esploràr come l'a dito el Ministero dei Beni e le Attività Culturali e no se capisse parché in questi ani gh'è stà questo comportamento negativo, par scòndar la nostra cultura. Le istitussioni conosse La Rena Domila visto la presensa sul sito del Comùn, ma no vién fato altro par salvàr el nostro laoro... Se un giorno La Rena Domila séra baraca e buratìni, tuto l'archivio e la riçerca la va a farse ciavàr. Semo rivà fin qua tribolando, ma ghe vol l'aiuto de tuti, parché el dialèto no l'è morto come i vol farne crédar! Drìo al dialèto gh'è le nostre tradissioni che và salvà, altrimenti semo tuti istessi e sensa identità!… (17.01.2023 - La Redassion)
| // Podarìa interessarte |
| Informassioni + La Rena Notissie, Speciali, Radio Scarpa + Spetàcoli & Teatro + Sagre + Marcà + Orari Messe + Fiere |