LA RENA DOMILA - DAL 1999 EL SITO VERONESE DEI VERONESI IN VERONESE

Se te si un poeta in erba e te piasarìa declamàr una to poesia denànsi a un poche de persone o stàr tra la zènte e scoltàr, no te resta che végnar "Al Calmiere" ne la sala culturàl de la cooperativa sociàl sora a l'omonimo ristorante a San Zèn in Via Broglio. El Diretòr Andrea Toffaletti in compagnia dei altri moderatori Alverio Merlo e Roberto Nizzetto, ve speta el secondo vènardi de ogni mese da le ore 21 dal 10 de setembre, par passàr un par de ore in compagnia. De solito iè presenti 60-70 persone  e par ci dise la propia poesia l'è un emossión catarse denàsi a cossìta tanta zènte. De lì iè passà tanti novi poeti e ci g'avéa una so poesia, l'è deventà co' el tempo un grande artista. In questi quindes'ani, piassé de 7000 poeti de cui 500 che no i g'àvea mai visto un publico de 'sto tipo, iè stà presenti a le serate. Nùmari da record, i primi a Verona par presense. W la poesia, italiana, veronese e foresta che sia! (La Redassion)