LA RENA DOMILA - DAL 1999 EL SITO VERONESE DEI VERONESI IN VERONESE

Hortus Europae, l'è el novo Lunàrio de La Rena Domila 2019 che ne parla dei fiori unici del Monte Baldo. El nostro sito par festegiàr i so vint'ani l'à pensà al "Giardino d'Europa" che pochi veronesi i s'à quanto pol èssar importante nel mondo. Ma quanti fiori gh'è sul baldo? Tanti e tanti e tanti, in particolàr sui libri botanici mondiali, se pol catàrghène un pochi che porta la denominassión "Baldense". In pratica no te pol 'nar su le Alpi e catàr un esemplàr de 'sto tipo se no te si andà a piantàrghelo de persona! In questo caso l'orto nostro l'è quel più verde e colorà, quèl del "vicino" no l'è belo quanto el nostro. Ma tornèmo sul Lunario 2019. Se presenta con tri proèrbi, la foto de un  fior e le fasi lunari par ogni mese. In più anca do riçete de cusina da far e magnàr in compagnia. Un qualcosa de unico che ve invitèmo a scargàr e stampàr. Su ogni foio de carta in formato A4 ghe stà du mesi, defàti, l'è stà studià par consumàr manco vinciòstro de la vostra stampante e 'verghe un qualcosa de unico da tacàr via, in cusina, in sala, in ufissio sensa ocupàr tanto posto. Scarga el Lunario 2019, tanto l'è gratis, a maca!   El Diretòr (Verona 16.11.2018) 

Le Aventure de l' OmoSignàpola e del Pìtaro, l'è el novo Lunàrio de La Rena Domila 2019 de i Paladini de la Giustissia. Par festegiàr i vint'ani del nostro sito, podì catàr el mèio dei lunari de l'OmoSignàpola dal 1999. Proèrbi, Modi de dir e foto ne la provinçia veronese che i rende questo lunario unico! Scarga el Lunario 2019, tanto l'è gratis, a maca!   El Diretòr (Verona 24.11.2018)