Quel Giorno la fola da lésar e scoltàr _LR Notissie
Quel Giorno la fola da lésar e scoltàr
Nel lontàn 2009 el nostro Diretór el g'a messo nero su bianco i pensieri del so amigo Sergio, lassà da la morosa e scapà via da la nostra çità dal dolòr. Cossita l'è nato questo audio-libro in ricordo de quela 'spariensa. Nel tempo "Quel Giorno" l'è deventà una telenovela in Brasìl vardà da milioni de persone in léngua porteghese. Sergio el fa de tuto par la so morosa Silvia che la pensa ancora a un altro òmo conossù ani prima. Dopo nùmarose aventure, i amiçi sempre in mèso a la storia e i silensi de la butéla, ghe riva al poro Sergio la notissia via meil da Silvia che vol troncàr la relassión. Una storia normàl tra un butèl e 'na butèla finìa mal e forsi gnanca veramente scominçià. In gnanca un ora podì lésar e scoltàr questa storia anbientà nel veronese, piena de sentimenti e amor. Una publicassión che la ne porta ne l'universo de i butèi co' la speransa che no i staga mal come el nostro amigo. "Quel Giorno" una storia che te restarà drento... (La Redassión 04.06.2019)
| // Podarìa interessarte |
| Informassioni + La Rena Notissie, Speciali, Radio Scarpa + Spetàcoli & Teatro + Sagre + Marcà + Orari Messe + Fiere |