Le conferense de Veronesi tuti marti

veronesi tuti marti
veronesi tuti marti
Le conferense da otobre 2020

Tuti marti dal 27 de otòbre 2020 al 26 de genàr 2021 a le ore 21.15, le nostre conferense sul canàl Youtube (IuTub) Radio Scarpa TV de La Rena Domila. Par ci sarà presente a le nostre lessioni tegnù dal nostro Diretòr, podarà stamparse el diploma de partecipassion spedì a la fine del corso, via "meil". Se parte co' le tradissioni veronesi, La Lumèra, Santi e morti passando par le vie de Verona, co' le poesie del so cantòr Berto Barbarani par finìr co' l'emigrassión Veneta e 'l carneàl veronese. Par la prima 'olta su internet le conferense de la tradissión, un calcòssa de veramente unico, che val al pena vardàr e scoltàr. Come funsiona? Basta vardàr el sito, par tegnérse informà o registrarse sul canàl Radio Scarpa TV. Ogni conferensa pol duràr 20 min. e solo ci parteçipà a 10 lessioni podarà ricèvar el diploma grassie a un codice che vegnarà dito dal Diretòr nel corso de le conferense. G'avì la possibilità de imparàr sempre calcossa de nóvo a gratis e magari nar dai véci e/o in biblioteca par completàr la vostra formassión, par insegnàrghela ai buteléti.

CALENDARIO
27.10.2020 > Lumèra, Santi, morti e le tradissioni veronesi
03.11.2020 > Vie e Piasse de la Verona de un tempo
10.11.2020 > Etimologia e Modi de dir
17.11.2020 > La cura de un tempo co' le erbe
24.11.2020 > Fole Veronesi
01.12.2020 > La Vita de Berto Barbarani
08.12.2020 > Santa Lussia e Berto
15.12.2020 > Parafrasi poesie siélte Barbarani
22.12.2020 > Poesie sconossude Barbarani
12.01.2021 > Noèle e Vilóte
19.01.2021 > Emigrassión Veneta in Brasìl
26.01.2021 > La vera storia del carneàl veronese

 






Pin It