LA RENA DOMILA - DAL 1999 EL SITO VERONESE DEI VERONESI IN VERONESE

I ne dise che ghe ne femo de tuti i colori e noàntri émo ciapà in parola un nostro letòr. Semo 'bituàdi a védar le foto del grande Berto in bianco e nero, ma par noàntri el cantór de Verona l'è sempre vivo, par quél che n'a lassà e par quél che l'è riussì a far par la nostra çità. Par 'sto motivo, dopo un mese de laóro, semo riussìdi a darghe una spenelà de colór in digitàl no come faséa Angelo Dall'Oca Bianca, a tute le foto presenti nel nostro Museo Barbarani. Un calcòssa de incredibile, el tempo no s'à fermà, la poesia de Berto l'è viva come le so foto. Dal 2007 La Rena Domila l'è presente sul sito del Ministero dei Beni e le Attività Culturali, par valorisàr "storia, cultura e Barbarani". Un motivo in più par portàr in avanti el nostro Museo, co' nóvo materiàl catà in giro par l'Italia. Eh si, el nostro cantór in compagnia de Trilussa de Roma e Testoni de Bologna, nel '900 l'éra uno dei "Poeti d'Italia". Sul nostro sito, le curiosità i-è tante e tute da lésar... > Museo Barbarani (La Redassion 04.08.2020)