LA RENA DOMILA - DAL 1999 EL SITO VERONESE DEI VERONESI IN VERONESE

Al Parco Natura Viva par i panda rossi conossù come bolpi rosse, pochi giorni fa, gh'è stà 'na bela sorpresa, i-è rivé do bèle esemplari de panda rosso "firefox" co' la speransa che i scomincia "a darse da far" par métar su faméia, parché de 'ste pore bestie ghe n'è sempre de manco. Nei ultimi 20 ani, ne le foreste asiatiche ghe n'è el 50% in manco e 'l parco veronese l'è uno dei pochi in Europa a darghe 'na casa e un posto sicuro. In Asia se séita a taiàr àlbari, e sassinàr le foreste, cossita l'è un problema catàrse e far fiói. In 'sto parco gh'è 'na speransa in più, nei ultimi trent'ani ghe n'è nati 'na vintina. 'Desso tóca ai mas-ci pareciàr i àlbari a Bussolengo.... (La Redassion 02.11.2020)