Bon complean Cangrande!_LR Notissie

Bon complean Cangrande!_LR Notissie
Bon complean Cangrande!_LR Notissie
Bòn compleàn Cangrande!

St'ano se vol celebràr i 700 ani da la morte de Dante Alighieri, el pare de la léngua italiana con manifestassioni a Firense, Ravena e Verona, ma nissuni pénsa de festegiàr el 730° conpleàn de Can Francesco par i amiçi Cangrande, propio nel mese de marso. Se no fusse stà par lu, Dante no'l sarìa vegnù a Verona e no'l g'avarìa scrito el Canto del Paradiso de la Divina Comedia, che tra l'altro el g'a anca dedicà. Ma in Italia, semo fati così, bravi a sporcarse la bóca co' grandi nomi e magari desmentegarse de altri, co' paroloni che in 'sto periodo in vèn usàdi come el pan. Se Dante fusse vivo cossa el dirìa de Smart working, Lockdown, Droplet, Recovery Fund, Cashback? El massimo de l'italianità! A 'sto pónto, noàntri parlémo in veronese se l'italiàn l'è mésso da 'na parte par l'inglese e Dante ricordà solo par moda. L'è vera, che Cangrande l'éra pién de schèi e g'avéa i so interessi a vérghe Dante ne la só córte, ma l'amicissia a 'olte, val de più de un tesoro. Bón Compleàn Cangrande! (El Diretór 09.03.2021)





Pin It