Un fogo e 'na caressa _LR Notissie

Un fogo e 'na caressa _LR Notissie
Un fogo e 'na caressa _LR Notissie
Un fógo e 'na Caréssa

L'inteligensa umana l'è scapà da Gazo Veronese nel 2021. Dopo le bestie copè dal velén butà su la biava ne l'Oasi del Busatèl da un contadìn stufo de le nutrie, podémo contàr de un altra "bèla inissiativa" par tegnér viva "flora e fauna", quéla de brusàr 400 mila metri quadri de càne palustri. Anca se gh'è restà un mùcio de sénar, la Caréssa, piànta conossù come "Carice" la cressarà ben el mese che vién e utilisà ancora nel terso milenio, par impaiàr le caréghe. La natura sassinà da l'òmo, 'ndóe le piante e soratuto le bestie forsi no le ghe sarà più o magari le migrarà da altre parti. Ne tocarà vardàr SuperQuark de Piero Angela con documentari dal Sahara, parchè a l'Oasi del Busatèl se némo 'vanti cossita, no ghe restàra più gnénte. I ovi de tanti oséi i s'a coti e invésse de védar sgolàr el martìn pescadór a maio, s'a fato una fritàia. Una vergogna. La dimanda l'è una sola par noàntri. A ci ghe spèta el contròl de l'Oasi naturalistica tra Gazo e Ostìlia, visto che no l'è la prima 'olta? Restémo sensa parole, un qualcossa de unico, sassinà par far caréghe (El Diretór 30.03.2021)





Pin It