22ani de La Rena Domila _LR Notissie

22ani de La Rena Domila
22ani de La Rena Domila
22 ani de La Rena Domila....

Cari veronesi, vicini e lontani nel mondo, la rena domila smorsa 22 candeline, e podèmo dir che l'è el sito cultural piassé vecio de verona e tra i pochi siti internet nati prima del 2000 a Verona. St'ano el s'a sgrandà, con la storia completa de la Lessinia con 400 foto e i grandi poeti veronesi. Emo fato 12 conferense su la nostra radio scarpa tv su la tradission e la storia con un bel sucesso de publico. Ghe sarà altre sorprese e tante novità su La Rena Domila nel corso del 2021 portando cultura ma anca alegria in un periodo de merda. Quel che ghe tegno a dirve l'è che, finora nissuni n'a dato una man, sempre tirà fora i schei dal nostro tacuin, nissuna istitussion l'a vardà verso de noàntri e savémo benissimo che i ne tién d'ocio, la cultura fa sempre paura, l'è incontrolabile par chi no sa un casso. Cossita se tien su un palmo de man manifestassioni o altro che no g'a a che far co' la nostra tradission. Ma avanti sempre, cambia le giunte, cambie i sindaci.... pensa 22 ani e semo ancora qua! (El Diretòr 01.04.2021)





Pin It