Quando la normalita' deventa evento _LRNOTISSIE

Quando la normalita' deventa evento _LRNOTISSIE
Quando la normalita' deventa evento _LRNOTISSIE
Quando la normalità devénta evento
Néi ultimi mési se vede el nostro Sindaco, contento e feliçe par el so laòro e quél de la Giunta, come sistemàr le strade del "vècio" filobus, le fogne, la pavimentassión, le tubassioni de l'aqua, i marciapiè, l'Arsenàl e altro ancora. Se congratulémo con lu, ma gh'è una dimanda che se fémo quando manca un ano a le elessioni par el sindaco de la çità e no solo con quél atuàl:"ma in questi ani cossa èlo 'stà fato? Parchè 'sti laòri vién fati solo 'desso che scominsia la campagna eletoràl? Tra le risposte più conossude dei ultimi sindaci gh'émo:"colpa de la vècia aministrassión che l'avéa pensà a un progèto sbajà, la burocrassia che n'a blocà i laòri, i finansiamenti blocà a Roma (che in çerti casi no i-è stà gnanca dimandà ai Ministeri). El Sindaco el ghe dise ai veronesi che l'è 'sta l'unico che nei ultimi 60 ani a sistemàr le tubassioni de un poche de vie. Ma i ultimi 10 sindaci prima de lu, cossa i g'a fato? Un casso? A le elessioni i candidati i dise sempre de far mèio, ma i risultati i-è sempre quéi, promesse. Un altra dimanda l'è:"Ma in una çità come Verona, turistica e conossù in tuto el mondo, gh'è da gòdarse par stupàr una busa? Èlo questo, che podémo contàr ai nostri fiòi? El Comùn el g'a sfaltà 'na strada? No sarìa mèio che i nostri fiòi i véda una çità sensa auto e inquinamento con tranvie e Metropolitane? La çità l'è sempre quéla, no la s'a svilupà. Laòri de normàl aministrassion i vién visti come ecessionàli. Caro Sindaco, grassie, ma t'è fato solo el to laòro.... 14.05.2021 (La Redassión)





Pin It