Pegore & Spriss _LRNOTISSIE

Pégore & Spriss _LRNOTISSIE
Pégore & Spriss _LRNOTISSIE
Pégore & Spriss
A Cogòl de Tregnago una nòte de màio, i éra sparide 25 pégore e un agnèl su 28 de 'na fatoria. Le do restè no le voléa rilassàr interviste e le rispondéa solo ai Carabinieri co' do lètare, B e la E, cossìta le Forze de l'Ordine le tiràva a indovinàr. S'a pensà a le inissiali del ladro che g'a ciavà le bestie o a 'na targa de 'na machina o a l'ostarìa. La parona de la fatoria, no la savéa 'ndoe i-éra finìe, parché 26 i-éra tante da ciavàr, ma forsi la colpa l'éra de le do restà o de le uniche do tornà indrio dopo el spriss da l'osto BEpe? Anca lu no'l savéa gnénte, a parte avérle viste a la matina a magnàr l'erba nel prà. No gh'éra pégore sbranà dai lòvi e gnanca el seràio sbregà. S'a vardà par tera, in çerca de 'na busa, magari le g'a pensà de scapàr, gnénte da far. Par ci laòra, l'è un duro colpo, anca parché la pégora Brogna, lessinica, l'è unica nel mondo par la so magnifica lana, conossù parfìn dai Scaligeri. Ma la storia par fortuna l'è finìa ben, le pégore dopo pochi giorni i-è tornè a casa, ma nissuni s'a 'ndoe le pol èssar stà. I carabinieri i s'a mésso a contarle, ma in servissio no i podéa dormìr, cossita g'a pensà la parona de la fatoria e a quanto par, le gh'è tute. Un mistero..... 20.05.2021 (La Redassión)





Pin It