El Docufilm de San Zen _LR Notissie

El Docufilm de San Zen
El Docufilm de San Zen
El Docufilm de San Zen

Nissuni finora l'éra riussì in un impresa de 'sto tipo, realisàr el docufilm "Il sorriso di San Zeno" sul nostro Santo patrón l'è un calcòssa de unico. Grassie a l'Associassión Culturàl StoriaViva e al so regista Mauro Vittorio Quattrina l'è nato un "opera" de valór che ne porta a la scoèrta del mondo de San Zén, co' tante e tante curiosità. Quèl lassà dal vescovo veronese a la nostra çità l'è una documentassión straordinaria che dovarìa èssar piassè valorisà rispèto a Dante o Sèspir anca parchè ghe n'è in quantità industriàl. El giorno 8 de lujo a la prima proiessión al cineK2 gh'éra anca La Rena Domila, che pol dirVe de quanto l'è bèlo el filmato, in particolàr le riprese aeree co' i droni drénto e fóra da la Basilica, le interviste al Vescovo Zenti e ai cultori del Santo, el viàio tra le cése sparse par l'Italia dedicà a San Zén, consà co' ambientassioni de tuto rispèto. Un ora e mèsa 'ndóe podì capìr la vita, i miracoli e tuto quèl che'l g'a fato par la Cèsa veronese e par la nostra çità. Par info sul filmato, podì scrìvar a storiavivaitalia@libero.it....(El Diretòr 10.07.2021)





Pin It