LA RENA DOMILA - DAL 1999 EL SITO VERONESE DEI VERONESI IN VERONESE

Nei giorni scorsi el nostro Diretòr el g'a catà un balón bèlo s-giónfo sora a Erbéso,  sgolà da l'Asilo de St.Albert a Friburgo in Germania in un solo giorno, vardàndo le Alpi dal çiél. La notissia l'è stà publicà ai primi de noémbre sul Badische Zeitung a firma Frank Zimmermann 'ndóe se lése che i baloni molà in çiél da butìni i-éra in verità 65 e solo uno l'è rivà ne le nostre montagne. E no l'è finìa, da le parole del giornalista todésco se capisce come el nostro Diretór el g'a catà l'asilo e soratuto s'a parlà de la Lessinia, dei Cimbri e de La Rena Domìla. Ma la notissia l'è sgolà come el balón da la Germania a l'Italia, defàti sul quotidiàn nostràn el 5 de noémbre su L'Arena a firma Ilaria Noro, se lése, la versión italica de la storia..."semo tanto lontànti ma anca tanto vissini, i confini iè su la carta, no gh'è mure che divide e gnanca montagne, ma solo un desidero che sgóla tra le nùgole"...  (La Redassion 08.11.2021)