Lunario 2023
Lunario 2023

VirtuàLamberti, l'è el novo Lunàrio de La Rena Domila 2023 che ne parla de le belesse de Verona viste da de sora. Ogni mese se presenta co' una foto d'autòr, a cura de Stefano Toffaletti, con tri proèrbi par ogni mese e le fasi lunari. In più anca do riçete de cusina da far e magnàr in compagnia. Un qualcosa de unico che ve invitèmo a scargàr e stampàr. Su ogni foio de carta in formato A4 ghe stà du mesi, defàti, l'è stà studià par consumàr manco vinciòstro de la vostra stampante e 'verghe un qualcosa de unico da tacàr via, in cusina, in sala, in ufissio sensa ocupàr tanto posto. E par ci l'è amigo de l'OmoSignàpola, gh'è la possibilità de scargarse el lunario coi amiçi de Goto çity e i so modi de dir e de vita. Scarga i Lunari 2023, tanto l'è gratis, a maca! El Diretòr (Verona 16.12.2022)