LA RENA DOMILA - DAL 1999 EL SITO VERONESE DEI VERONESI IN VERONESE

Cari veronesi, vicini e lontani nel mondo, la rena domila el primo de april smorsa 24 candeline, e podèmo dir che l'è el sito cultural piassé vecio de Verona e tra i pochi siti internet nati prima del 2000 a Verona. Nel 2022 e nei primi mesi del 2023, la stampa la g'a parlà de La Rena Domila e par noàntri l'è sempre 'na granda sodisfassión. Tra le novità segnalémo, la colaborassión con el Comùn ne l'inissiativa "Verona città che legge" scominçià nel decèmbre 2022 co' el compleàn de Berto Barbarani e che nel corso del 2023 portarà altre sodisfassioni par el nostro sito. Da setémbre ghe sarà altre inissiative co' le istitussioni e un nóvo Canpionato de le Tradissioni. Nei prossimi mesi, par restàr vèrti, émo pensà de investìr un bèl mucio de schèi par sistemàr el sito, la sicuressa prima de tuto, ma ghe sarà da métarghe man a tuto quél fato finora. O te vè al passo co' i tempi, çercando de far sempre mèio o te sèri baraca e buratini. Quel che ghe tegno a dirve l'è che, finora nissuni n'a dato una man, sempre tirà fora i schei dal nostro tacuin, nissuna istitussion l'a vardà verso de noàntri. Ma avanti sempre, cambia le giunte, cambia i sindaci.... pensa 24 ani e semo ancora qua! (El Diretòr 01.04.2023)