LA RENA DOMILA - DAL 1999 EL SITO VERONESE DEI VERONESI IN VERONESE

El 16 e 17 setémbre 2023 a le ore 10 e a le ore 15 La Rena Domìla ve spèta al Festivàl Internassionàl dei zughi in strada a setembre in compagnia del C.T.G. La Fenice par portarve nel mondo de la tradissión veronese. Da st'ano el Festivàl g'a ricevù el riconossimento da l'U.N.E.S.C.O. e noàntri émo pensà de dar 'na man in quanto, questa organisassión mondiàl, la vol che le robe le sia fate bén e sicuramente la léngua, la storia e la tradissión locàl i-è dei ponti fondamentali parché questo riconossimento el resta al Tocatì. Ognuno deve far la so parte e noàntri par el ben de Verona semo pronti. Noàntri émo visto nàssar l'associassión A,G,A, oraganisadór de l'avento e vardà co' atensión quél fato in 'sti ani, ma forsi, 'desso, l'è rivà el momento de incrosàr le nostre strade, par portàr in alto la manifestassión. Noàntri portémo la veronesità e la nostra storia par le vie de la çità. Ve spetémo soto la statua de Berto Barbarani tacà a Piassa Erbe da 'ndoe parte el nostro giro a pié par le vie de Verona fin a rivàr in Via Pallone e ritorno dai Filipini. Ghe sarà la poesia del Diretor e la storia de Verona contà da esperti (La Redassión 06.09.2023).