LA RENA DOMILA - DAL 1999 EL SITO VERONESE DEI VERONESI IN VERONESE

Mai se sarìa pensà a 'na roba cossìta. Nei nostri studi de Radio Scarpa durante la trasmissión "Ponto & Crose" de Giani Carpenea, i du ospiti dopo un fraco de parolasse sgolà, i-è passà a le mane, un bel spolvarón, un qualcosa de incredibile. El tema l'èra l'inquinamento e 'l clima mondiàl, ma i du siensiàti conossù nel mondo, dopo le dimande provocanti del nostro Giani, no i g'a pensà sora una s-ciànta e dopo una serie de parolasse, da una parte a l'altra del studio, i s'à dato una rua de pache. Bifolco Villici e Memo Clinto i s'a scaldà co' el tema sul clima. No l'è la prima 'olta che i du professori i se mete in mostra, come s'a visto in nùmarosi convegni e anca staolta i-è sgolà caréghe e tole dapartuto. Ringrassiémo Giani Carpenea par aver gestìdo la situassión al meio,  'scolta l'edissión co' i du siensiati(Verona 07.03.2020)...