LA RENA DOMILA - DAL 1999 EL SITO VERONESE DEI VERONESI IN VERONESE

Dopo tre mesi de duro laóro semo riussìdi a publicàr la scheda n°16 ne la rubrica "Verona e la so storia". Staòlta fémo quatri passi con vàche e pégore da Montorio passàndo par la Val Squaranto rivàndo sui pascoli de la montagna veronese. "Cargàr montagna", come s'a svilupà el pascolo, da le pégore utilisà fin dal '400 da le comunità montane par vìvar, a le vàche par el marcà çitadìn; la promossión e la vendita de la produssión montana, grassie a l'Arte de la Lana e dei Formaiàri in colaborassión co' la Domus Mercatorum; la man de le popolassioni Cimbre su le tére lessiniche; le propietà dei monasteri e dei sióri de la çità; i contràti ne le comunità e altre curiosità de la toponomastica. Come dito da uno dei massimi esperti de la montagna veronese, l'amìgo Marco Pasa, bisón conòssar la Lessinia, pestàrghe i pré, vardàr quél ghe a torno e farse de le dimande, cossìta quél scrito sui libri g'avarà piassé valòr. La nostra scheda pol darve 'na man a capìr mèio la Lessinia, i lóghi, la zénte e la storia. E no l'è finìa, la storia de la colonisassión cimbra in 13 capitoli, par capìr mèio la nostra montagna, el fenòmeno de la migrassión in Lessinia. Un calcòssa de veramente unico ! scheda n°16 ne la rubrica "Verona e la so storia". La Redassion 29.01.2021)