LA RENA DOMILA - DAL 1999 EL SITO VERONESE DEI VERONESI IN VERONESE

Cari veronesi, vicini e lontani nel mondo, la rena domila smorsa 23 candeline, e podèmo dir che l'è el sito cultural piassé vecio de verona e tra i pochi siti internet nati prima del 2000 a Verona. Nel 2021, la stampa la g'a parlà de La Rena Domila e par noàntri l'è sempre 'na granda sodisfassión. Tra le novità segnalo, i video Etimologici, par imparàr al mèio el veronese, presenti sul nostro canàl YouTube, la stampa del nóvo libro su la storia del carnevàl veronese. Ghe sarà altre sorprese e tante novità su La Rena Domila nel corso del 2022 e in particolàr a la fine de st'ano portando cultura ma anca alegria in un periodo de merda. Quel che ghe tegno a dirve l'è che, finora nissuni n'a dato una man, sempre tirà fora i schei dal nostro tacuin, nissuna istitussion l'a vardà verso de noàntri e savémo benissimo che i ne tién d'ocio, la cultura fa sempre paura, l'è incontrolabile par chi no sa un casso. Cossita se tien su un palmo de man manifestassioni o altro che no g'a a che far co' la nostra tradission. Ma avanti sempre, cambia le giunte, cambia i sindaci.... pensa 23 ani e semo ancora qua! (El Diretòr 01.04.2022)