Bala che vegna, Somacampagna! _LR Notissie
«Bala che vegna!» Minico Bardassa, rebate el colpo che vien zò dal çiel, e tuto quanto in giro par la piassa cioca e se spande el son del tamburel... Con 'ste parole el nostro Berto Barbarani el g'a scominçià la poesia "San Zén che ride" ma staolta a "rìdar" l'è stà la squadra del Somacampagna che l'è riussì a vìnsar el Canpionato italiàn de tamburèl a l'ultima partìa. A la fin del canpionato come diséa Berto "Minico Bardassa sbalia batuda e tase el tamburel", defàti el Somacampagna l'è andà in riserva perdendo le ultime partìe. L'importante l'éra portàr un altra òlta el titolo de canpioni d'Italia in tèra scaligera e in particolàr a Somacampagna 'ndóe el mancava "dai tempi de quando Berta filava". I butèi i-éra massa forti e forsi gnanca lóri i pensava de èssarlo anca se el canpionato l'è stà bén gestido, i canpioni i se vede sempre a la fine nel massimo sforso. Uno sport che Barbarani el g'a fato suo ne la so poesia piassè importante e che meritarìa piassè visibilità visto che l'è uno dei simboli de la tradissión veronese.. (La Redassion 28.09.2022)
| // Podarìa interessarte |
| Informassioni + La Rena Notissie, Speciali, Radio Scarpa + Spetàcoli & Teatro + Sagre + Marcà + Orari Messe + Fiere |