LA RENA DOMILA - DAL 1999 EL SITO VERONESE DEI VERONESI IN VERONESE

Se ve ricordè nel lontàn 2005, i-é morti un fraco de piti e galine, in particolàr 'ndóe i vegnéa arlevàdi par colpa de "l'influensa aviària". I òsèi i pól scominsiar a ronchesàr durante el giorno, i pol far ovi con la sgussa fina e vérghe una malformassión sóra la testa. 'Na malatia che a parte copàr i òsei pól métar 'n zenòcio ci ghe laóra drio e tuto el setór. Nel 2023 lóngo l'Adese Galtarossa denànsi a la Qvestura, i-è stà catè i póri Cocài par tèra morti e no come al solito in fila su la muréta a speciàrse nel fiume ma anca le ànare e i cigni no i se salva. Sperémo che 'ndóe se arléa i piti se fassa el vacin ma el problema resta sempre par quéi selvàdeghi.. La Redassion