Ma che bèl castèl _LR Notissie
Ghe voléa póco, ma a òlte anca el póco l'è difiçile da realisàr. El castèl de Vilafranca l'è stà sistemà e 'desso spetémo de védar el percorso culturàl del museo. Tanti laoréti gh'è stà fato, i marangoni i g'avù da métar man a le porte originarie sensa contàr ci s'a fato in quatro par la pavimentassión, i muri, i sofìti. 'Desso dal màstio se pól védar un panorama incredibile grassie a 'na scàla a bogonèla che te porta fin in çima passando par caminamenti, merli, sale e prisóni. Dal de sóra te pól 'nar fin al cortìl che gh'è drénto al castèl grassie a 'na scàla che la va zò par quasi 170 scalìni. Tante le novità! A òlte se pól far un laóro de squadra par rivàr a grandi risultadi, bisognarìa capirlo in pressia prima che la nostra storia la vaga a farse ciavàr... La Redassion
| // Podarìa interessarte |
| Informassioni + La Rena Notissie, Speciali, Radio Scarpa + Spetàcoli & Teatro + Sagre + Marcà + Orari Messe + Fiere |