LA RENA DOMILA - DAL 1999 EL SITO VERONESE DEI VERONESI IN VERONESE

Dopo ani e ani e ani, forsi i du pontesèi de la prima guera mondiàl su la strada che da Erbéso va a Passo de le Fitanse, i vegnarà sistemadi. Dovì pensàr che questa l'è l'unica strada asfaltà de montagna che da la provinçia de Verona ne porta in quéla Trentina con un mùcio de machine e de moto che ghe passa in particolàr de dominica e d'istà. In questi ultimi ani i du ponteséi sul vaio dei Falconi e quel de la Spassacamina i-éra a mèso servissio, piassé strèti, redòti a 'na corsia par sicuressa. Da marso a inissio istà podì catàr anca la strada serà par laóri in corso, quindi se volì 'nar a Passo Fitànse ve convién far el giro da Erbéso in diressión Malga Lessinia e svoltàr al bivio del Piòcio. Che sia la òlta bóna par sistemàr la questión? Quanto gh'è volù par rivàr a una decisión cossita par du ponteséi? No pensémo che costa milioni de euri par sistemàrli!... La Redassion