LA RENA DOMILA - DAL 1999 EL SITO VERONESE DEI VERONESI IN VERONESE

La Rena Domìla no l'è solo internet, ma anca star in compagnia e vardarse nei oci. Nel mese de agosto ve invitémo a Quinsàn a la 544ma festa de San Roco, 'ndóe se magna, béve bén e se scolta bóna musica presentà dal nostro Diretór dal 11 al 16 de agosto 2023. El 2 de setémbre ve spetémo al Forte Tesoro in località Schioppo de Sant'Ana d'Alfaedo co' la poesia de poeti veronesi interpretà dal nostro Diretór el tuto compagnà da una visita guidàta del forte. El 16 e 17 de setembre La Rena Domìla l'è par le vie del Tocatì in compagnia del C.T.G. La Fenice e del profe D'Alessandro co' partensa da la statua del grande Berto in Piassa Erbe, par contàrve de storia e veronesità. El 24 de setémbre vé spetémo al "Giardino Poetico" nel cor de Veroneta, con poesie dei più grandi poeti italiani interpretà sempre dal vostro Diretór con visita guidà co' partensa dal Giardìn Giusti in compagnia come sempre del C.T.G. La Fenice. Cosa volì de più? (La Redassión 31.07.2023)