D.A.M. - 169 De tuti i colori

d.a.m.
d.a.m.
D.A.M. - 169 De tuti i colori

L'è rivà l'autuno, el vento supia ingiassado tra le foie scartossade, drénto ai muri de le contrade canta un vècio fogolàr. Su e zò par i monti nei colori vivi in un periodo morto come quél de noémbre. I nostri amiçi i se gòde la montagna veronese...
 

 
// Podarìa interessarte
D.A.M. Menu + Lista storie dal 1999 + Storie del mese

dam
Mi: Ma cosa sito drio a far?
Lu: 'na foto, 'sa te par
MI: beh, a 'na muréta?
Lu: l'è bela, ancó la gh'è, dimàn...
Mi: In Lessinia l'è cossita
Lu: gh'è anca casàre messe mal
Mi: malghe co' quèrti desfé
Lu: bisognarìa sistemarle
Mi: ma 'sa vuto? Ci fa el pastór? El vacàr?
Lu: méio l'internét par i butèi...che laoràr
Mi: beh nemo avanti
Lu: vién qua, gh'è 'na strada nel bosco
Mi: el so nome conosso.....
Lu: gh'è un capitél mèso imberlà
Mi: co' i cantóni de piéra spacàdi
Lu: la Madona co' Angeli maciàdi....
Mi: piturà su un asse incarolada....

Lu: postà al marmo rosso Verona
Mi: magnà dal tempo malingréto,
Lu: eh si, che te fa védar ogni diféto
Mi: varda...gh'è 'na crose intrielàda!



169 02
Mi: béla giornàda
Lu: se camìna, ma no se magna
Mi: varda g'ò la gradèla
Lu: la polenta?
Mi: polenta? Sopressa co l'aio, brisòle
Lu: ovi?
Mi: i tói!
Lu: che sinpatia!
Mi: i tói, quéle de le tó galìne
Lu: ahnnnn
Mi: g'ò anca le nóse e le straca-ganàsse
Lu: i maroni?
Mi: i tói!
Lu: sempre piassè simpatico
Mi: i maróni del to campo
Lu: beh sentémose qua
Mi: sóto 'sto àlbaro?
Lu: no prova a rampegarte!
Mi: tira fóra el vin rosso!

 

 
// Podarìa interessarte
D.A.M. Menu + Lista storie dal 1999 + Storie del mese

Pin It