Veronesi tuti Mati, l'è la rubrica che fa par ti se te vol passàr de le ore sganassàndo.
Tuti i to problemi sparisse, te passi da le storie de i Paladini de la Giustissia a quele montane de i Du de l'Ave Maria. "I Grandi Classici" l'è la rubrica de la goliardia veronese co' i grandi poeti che merita de èssar vardà. Par finìr, el Canton de le Monàde, co' curiosità, barseléte e tante dimande co' risposte de vita vissù. Se par caso te si un buteléto, te consiliémo, de ciamàr i to genitori prima de lésar le rubriche, alcune parole no le fa parte de "l'Academia de la Leteradura"!!!
| LE STORIE DE L'OMOSIGNÀPOLA E DEL PÍTARO |
 La to çità l'è in pericolo e no te sè ci ciamàr? Fiòca e manca el sal par le strade? Le auto inquinanti no le pol 'nar par le vie e te serve un qualcosa de alternativo? A tute queste dimande i Paladini de la Giustissa i cata sempre una solussión. L'OmoSignapola in compagnia del Pìtaro l'è riussì in questi ani a tegnér lontana la delinquensa e a risòlvar i problemi dei çitadini de Goto siti (Gotham çity). Passa le Giunte ma i Paladini iè sempre presenti. Fa un fi-scio e i to Paladini stà pur sicuro che no i risponde! Le storie de l'OmoSignàpola e del Pìtaro
|
| D.A.M. LE STORIE DE I DU DE L'AVE MARIA |
 Dal lontàn 1997 du butèi co' la passión par la montagna, i s'à deciso, passo dopo passo a visitàr tuto quèl che la natura ne regala. Le prime peste ne la tera imbombèga da l'aqua iè stà intorno a Verona par dopo remenàr le montagne veronesi in longo e in largo. Parò se gh'è da magnàr o da bèar, no i se tira indrio e i mete i pié soto la tola anca ne la Bassa. Una gran esperiensa che nel tempo l'à ciapà par man anca el Triveneto. Se te serve un consilìo su le nostre montagne, le persone iè quele giuste..... D.A.M. |
| I GRANDI CLASSICI |
 Una rubrica particolàr l'è "I grandi classici" che te fa passàr i bruti pensieri e te fa sganassàr. I più grandi poeti de la "Goliardia veronese" co' le poesie più incredibili, Monaldo Todaro conossù come Tolo Da Re co' "La Banda in Piassa", "La cantada de l'Osèl" e "Lode a la scorèsa", el grande Angelìn Sartori co' "La Lode a l'ecelentissima merda", "Fasoi e artigleria" oltre al "Bognón", el nostro Diretòr Andrea Toffaletti co' la "Scorèsa vestìa" e la "Creassión", El grande Turcaine conossù come Attilio Turco co' "La rasa, la frasa", Roberto Puliero co' "Piutosto" e 'l nostro Rava co' "El ruto". No Ve resta che lésar quel che podèmo ciamàr opera d'arte più che poesia, I Grandi Classici
|
| EL CANTÓN DE LE MONÀDE |
 Una rubrica molto particolàr che te fa passàr la tristessa e la te farà sicuramente sganassàr. Una de le prime rubriche del sito, nata nel lontàn 2002, nel corso del tempo la s'à sgrandà co' tanto de parchè e par come. No te resta che lèsar le curiosità, le barseléte o spedìr i to pensieri a La Rena Domila. Segnala anca ti qualcosa de "strano" che t'è capità. El cantón de le monàde l'è una rubrica 'ndóe l'importante l'è no pensàr a le desgrassie..... El cantón de le Monàde
|
