El Grande Museo Barbarani

El grande Museo Berto Barbarani, una de le più importanti rubriche del sito, segnalà anca dal Ministero dei Beni e le Atività Culturali. Le poesie, i libri, el dizionario, la biografia, la biografia e tante curiosità che le parla del poeta veronese più importante. El materiàl vegnarà publica un poco par 'olta, in quanto l'è veramente tanto e unico, par colessionisti.

 

DIZIONARIO BARBARANIANO
dizionario barbaraniano No l'è un vero e propio dizionario veronese, questo el nasse da la poesia de Berto Barbarani. Dovì pensàr che solo lèsendo le poesie del grande cantòr de Verona, podì imparàr 1700 parole e modi de dir veronesi. Podèmo definirlo el dizionario de la veronesità, l'unico e inimitabile, con una terminologia che se no vién messa nero su bianco ris-cia de èssar scancelà da la nostra memoria. El dizionario barbaraniano l'è una de le poche rubriche a incarnàr el vero spirito del sito. No ve resta che lésar quanto n'è stà tramandà fin ai giorni nostri, ricordando, che ogni parola imparà l'è un giorno de vita in più par la nostra léngua! Dizionario Barbaraniano
LA VITA DEL GRANDE BERTO
vita berto barbaraniLa vita de Berto, co' tante curiosità grassie a la spiegassión del nostro Diretòr. In più 'la BIOGRAFIA del "Cantòr de Verona" che podarà darve 'na man a capìr in 5 minuti quanto l'à fato par Verona. Una rubrica completa, co' foto inedite el tuto consà de tanta veronesità. La Rena Domila dal 1999 porta inànsi quèl creà da Berto, un patrimonio che no pol èssar desmentegà de cultura e tradissión. In compagnia del so amigo Angelo Dall'Oca Bianca l'è riussì a portàr Verona fora dai confini de la provinçia, e anca da Trilussa e da Testoni i g'a volù ben La vita del grande Berto
LE POESIE DEL NOSTRO BERTO
poesie berto barbaraniLe poesie sièlte del grande Berto Barbarani co' spiegassioni e parafrasi del Diretòr, par darte una man a capìr meio la grandessa de questo poeta. Nel '900 gh'era un motivo se Berto l'era conossù in tuta Italia e messo in compagnia dei grandi poeti come Trilussa o Testoni! Una persona unica che l'à rapresentà la veronesità. Quel che volémo farTe notàr, l'è la "tecnica" utilisà, che al dì de ancó vién desmentegà par far posto a de le poesie no musicali e sensa rima.... Se volì gh'è la possibilità de lèsar, tute ma propio tute, le poesie dei QUATRO CANZONIERI. Par no farne mancàr gnente, no pol mancàr le poesie sconossude, opere che no jè stà publicà nei Canzonieri.
BIBLIOGRAFIA - I LIBRI
bibliografia berto barbarani La lista completa dei libri publicà dal nostro Berto divisi in Canzonieri, con le foto de le copertine originali. Un qualcosa de veramente unico che pol darte 'na man nel studio del poeta. Tra le curiosità te segnalémo che el primo Canzoniere Veronese l'è stà stampà a Milàn mentre el "Giulieta e Romeo" nato come libreto a parte, l'è stà modificà ben tre volte dal 1905 al 1941 Bibliografia - I Libri
ARTICOLI

articoli berto barbaraniArticoli che i parla de Berto a livél nassionàl. Come cronista del "Gazzettino" el catémo par le strade de Avio, parlando in léngua italica, mentre un articolo de l'amigo Renato Simoni el parla de lu su la "Domenica del Corriere". Tra le curiosità anca el segreto su come cusinàr el Sèleno Rava a la veronese. Una rubrica che ogni tanto la vegnarà sgrandà co' altro materiàl che catémo sparso par l'Italia. Articoli

CARTOLINE
lcartolineLe cartoline sul grande Berto Barbarani. Se parte da le diése co' sora la poesia Venessia par finìr su quele co' le òpere del grande amigo Angelo Dall'Oca Bianca. Un qualcosa de unico e inedito par i veronesi che porta La Rena Domila a èssar el più grande sito internet su la storia de Berto Barbarani. Grassie a i colessionisti, ogni tanto publichémo el materiàl segnalà. Cartoline
FOTO
foto barbaraniLe foto del grande Berto Barbarani e dei so amiçi. El "cantòr de Verona" no l'éra solo un poeta, ne le foto podémo védar come l'amicissia co' Angelo Dall'Oca Bianca l'éra importante ma soratuto el ben che ghe voléa a so mama Adelaide e a so mojér Anita. a léngua veronese la deve restàr viva, par 'sto motivo, le foto del più grande poeta veronese, i-è deventà a colori grassie a le "spenelade" del nostro Diretòr in un mese de laòro. In più la foto del tamburèl del Minico Bardassa e del monumento dedicà al grande poeta Foto