La Rena Domila da vint'ani l'è el sito veronese che ciàcola in veronese de la cultura, de la storia e de la tradission de la nostra çità no solo su internet; difàti organisa e presenta eventi, stampa libri e porta la so esperiensa ne le conferense. La Rena Eventi l'è al servissio de la cultura veronese par la gente, in mèso a la gente!
>EVENTI
EventiLa Rena Domila da vint'ani l'è el sito veronese che ciàcola in veronese de la cultura, de la storia e de la tradission de la nostra çità no solo su internet; difàti organisa e presenta eventi, stampa libri e porta la so esperiensa ne le conferense. Segnalémo serate de poesia Al Calmiere dal 2006 e quele co' le opere in veronese del nostro Diretòr, serate culturali a San Roco de Quinsàn, al C.T.G. Verona e ai circoli AUSER de la provincia oltre al Circolo Unesco. Tra i temi cari a noàntri gh'èmo "viàio ne le tradissioni veronesi", "la vita e le poesie de Berto Barbarani" in du lessioni, "la grande migrassion veneta in Brasìl" e "la storia del carnevale di Verona". Se te vol, 'na persona che presenta le to serate culturali o le to feste, che possa darte 'na man par realisàr le to idee, el Diretòr l'è a to disposission. La Rena Domila grassie al so archivio de piassé de 2000 libri, 30.000 foto de eventi e del teritorio veronese, 3.000 cartoline pol realisàrte un convegno su misura. Vint'ani de storia del nostro sito, vol dir garansia e serietà. No esiste a Verona un sito privato come questo, che se auto-finansia e no ciapa schèi da le istitussioni stando in pié par tuto questo tempo. L'autonomia vol dir tanto, vol dir libartà d'espression, che, no l'è mai pagà 'bastansa! Quindi, se te serve un evento culturàl, La Rena Domila l'è qui par ti. Ocio parò, el can no moe la coa par gnente! redassión@larenadomila.it. EVENTI 2023 AGOSTO 11-16 agosto ore 20.30 Presentassion evento musicàl 544ma Festa de San Roco de Quinsàn
EVENTI 2023 SETEMBRE 02 Setembre ore 18 Poesia al Forte Tesoro con visita guidata e poesie del Diretor (a pagamento)
16-17 setembre ore 10 e ore 17 Tocatì - Guida turistica e poesia con el nostro Diretor e C.T.G. La Fenice
24 setembre ore 17.30 Giardino Poetico nel cor de Veroneta - Poeti veronesi e italiani con el nostro Diretor e C.T.G. La Fenice (15 euro).
|