Bardolìn

BARDOLIN (Bardolìn)
Popolassión: 7.049 Altessa: 65 metri sóra el livèl del mar
Superfice: 57,33 chilometri quadri Comùni confinanti: Garda, Afi, Pastrengo, Lasise, Cavaión Veronese, Costermàn (Costermano)




Secondo 'n'iscrission scoerta su un antico sarcofago, le origini del toponimo le vegna da Bardàli, fióla del Re Aulete, fradel de Ocno, forse fondator de Mantoa.
M-AR-M-PARDALI PUELLA
TENERMA-AULETIS
REGIS-FILIA-BENACENSES

Antico insediamento palafiticolo, sucessivamente ocupado da popolassióni retiche e sensa contàr che l'éra molto importante ànca in epoca romana, infati el nome de la frassión Sisàn (Cisano), deriva da "Caesius", antico abitante romàn, parón de un terén in questo lógo. A Bardolìn (deventà libaro comun nel 1193), ghè stà la visita ànca dei Scaligeri de cui podémo ancora 'édar tochi de mura difensivi, Porta Verona, Porta S.Gioàni e du tóri che le varda el lago. E pròpio sóto el dominio scaligero, Bardolìn faséa parte de la "Gardesana del'Aqua", federassión de diese comuni (Malsésen, Brensón, Pai, Tórri, Albisàn, Garda, Costermàn, Bardolìn, Sisàn e Lasise) che la gavéa compiti de repressión e de ripartissión dei oneri fiscali oltre a una larga autonomia, riconossuda ànca da i dominadori sucessivi come i Visconti (1387), i Da Carrara (1404) e la Republica de Venesia fin al 1802. El Paese l'è da sempre considerado un grandioso çentro de sogiorno basta vardar vile e palassi fati costruìr da le faméje nobili de le çità visine. La Vila Gianfilippi-Campostrini del 1541 a esempio l'à ospitado lo Zar Alessandro de Russia, La moiér de Napoleón, Maria Luisa duchessa de Parma, e Ferdinando IV de Napoli. Da segnalàr ànca le vile otocentesche Vila Guerieri-Rizzardi, Bassani, Betteloni, Carrara-Bottagisio. Tra i edifici sacri de un çerto valòr gh'è el complesso romanico de la cèsa de San Severo. Dovì pensàr che nel'893 in un documento scrito da Berengario I° Re d'Italia se parla de questa cèsa, rifata e sgrandà a le atuàli proporsioni tra l'XI e 'l XII secolo. La cripta l'è l'ultimo resto del bardolinotempio precedente. A l'interno la se presenta a tri navade con querto a capriade; su la navada çentràl se pól notàr dei magnifiçi afreschi rafiguranti "El ritrovamento de la crose da parte de Sant'Elena e l'Apocalisse". Su l'Abside meridional, l'è murado a l'esterno un "genietto" funebre romàn. Poco lontàn catémo la céseta de San Zén (tra VIII e IX sec.) incastrada tra le case de una corte rural con interessanti testimonianse de architetura carolingia veronese e con un sacel a crose latina. Bardolìn el presenta una bèla serie de cése come quèla parochiàl dei Santi Nicolò e Severo con fasàda Neoclassica, ricostruida su disegno de l'architeto veronese Bartolomeo Giuliari tra el 1830 e 'l 1844 su i testi de una precedente cèsa dedicada a San Nicolò risalente a quanto i dise al 1223. Sempre nel çentro storico ricordèmo la cèsa de la Dissiplina costruida nel 1393 da la confraternita dei Dissiplinadi e 'desso sconsacrà. Ai piè de la Roca de Bardolìn in diressión Garda catémo la céseta de San Piéro con interessanti afreschi e tele. Sóra la Roca, inveçe, gh'è i resti del Priorado de San Colonban ricordà dal' 862, quando el dipendea dal Monastero de San Colonban de Bobbio. Poco distante, ghe l'Eremo de San Giorgio dal 1530 el dipendea, dal Priorado de San Colomban e sucessivamente riedificado nel 1663 dai Camaldolesi. ancora presenti. Tra le opere conservade segnalemo "San Romualdo" de Palma il Giovane (1548-1628). Su le coline de drio al paese, gh'è la céseta de San Vito de Corteline del XIII secolo con al so interno un ciborio longobardo e un reliquiario. Da segnalàr ne la frassión de Sisàn la pieve romanica de Santa Maria con iscrissioni medioevali e poco lontàn, drénto al çimitero la céseta de San Vito. A Calmasin, altra frassión de Bardolìn, gh'è la curiosa cèsa de San Michel (VIII sec.) con i "muraglioni" costruidi con le serégne, piere tonde trasportade in epocalontana dai "ghiacciai". Poco lontàn duranti dei scavi jè stà catade tombe longobarde de l'VIII secolo. Foto: Césa de San Severo