Cavaión

CAVAIÓN (Cavaión veronese)
Popolassión: 5.849 Altessa: 190 metri sóra el livèl del mar
Superfice: 12,91 chilometri quadri Comùni confinanti: Afi, Bardolìn, Pastrengo, Sant'Ambroso de Valpoleséla, Riole (Rivoli Veronese).

Paese abitado fin da l'età del brónso e in epoca romana importante via de comunicassion tra el Lago de Garda e la via Claudia Augusta. Cavaión l'è situado tra lo sboco de la Val d'Àdese e 'l Lago de Garda ne la parte meridionàl del Monte Moscàl su le pendici del Monte San Michel (342m). El teritorio el comprende la frassión de Sega con intorno tante contrade come Biccolari, Bossema, Casette, Mascalzoni, Mastego, Naiano, Pelizzara, Pigno, Pressenga, Tabono e Villa de Sóra. Da lontàn podémo amiràr la Césa de S.Gioàni Batista con fassàda (faccaita) in stile neoclassico, ricostruida ne l'otoçento sui resti de una cèsa romanica del XIII° sec. Drénto ne salta subito ai oci dipinti, altàri e aredi de pregevóle qualità. Inveçe l'è çitada in un documento del 1197 la Céseta de San Faustino e Giudita che sucessivamente l'è stà circondada da un lasareto nel 1630. ànca chi, come ne la viçina Afi, podémo catàr palassi e vile de notevóle interesse come nel caso de Vila Cordevigo, antica vila-fatoria de epoca romana, ricostruida sucessivamente, presenta un bèl giardìn a l'italiana e la capela de San Martìn con a l'interno una colessión de più de tremila reliquie de santi. cavaionRe Berengario nel' 899 l'à concesso la costrussión del la tór civica che dopo el restauro del 1885 l'è deventà parte integrante de Vila Frinzi-Trabucchi. Piene de tradissión jè ànca le corti, tra cui ne piase segnalàr Corte Torcolo 'ndóe un tempo l'éra presente el torchio par strucar l'ua, Corte Colombara 'ndóe un tempo gh'éra una tór colombara utilisada par difesa e infine corte Quaranta con un insieme de case contadine afiancade nel XVI secolo da la casa dominicale. Legendario l'è el pósso de l'amòr, 'ndóe un tempo i disea che un òmo pién de schèi e una butela poareta, i sà butà drénto a causa del so amor infeliçe e contrastado da le rispetive faméje. Dal pónto de vista storico un documento del 1111 el ne porta a la scoerta de le origini del nome del paese, citando "Cavalion", mentre nel 1130 devien man man: "Caput Leonis", "Capalionis", "Cavallone" e finalmente, nel 1208, "Cabaliono" e dopo qualche ano "cavaión". Secondo lo studioso Olivieri, Cavaión vól dir: "pagliaro a due spioventi, cui si sia forse per estensione, attribuito il senso di collina a schiena di cavallo", mentre altri i fa riferimento a le cae de pièra del teritorio. Nel VII secolo nel teritorio i governava i longobardi nome del Duca de Verona, mentre ne l'800, sóto i Franchi, cavaión l'è passa' ala "judiciaria Gardesana". Nel 899 con le invasioni dei Ungari, Berengario I l'à fato fortificar el paese. Dal 1193 cavaión l'e' passa' sóto el Comùn de Verona, con aministrassion a cargo de l'Abassìa de San Zén. Dal XIII secolo el teritorio l'e' deventà con Castèlnóvo de l'Abate, Affi e Incaffi un comun solo. Dal 1405 al 1797 i Venessiani i a ocupà el teritorio fin a l'arivo dei francesi e dei austriaci.