Descàrga / Download
LIBRI DA SCARGÀR
"Il dialetto e la lingua" - Vittorio Fontana: Secondo una teoria de fine '800 de un vècio insegnante, un tal Gaetano Lionello Patuzzi, par insegnàr l'italiàn a scóla e un póca par 'òlta tute le materie, bisognàva scominçiàr dal dialèto parché l'éra quél piassè parlà ne le faméie. Cossìta ne le scóle l'è stà portà questo libro, stampà nel 1924, 'ndóe se podéa capìr grassie al dialéto veronese la storia, usi e costumi. Se partìa da i esercissi a la lavagna co' tradussioni dal veronese a l'italiàn e a l'incontràrio, gramatica, costrussión de le frasi, el tuto grassie a l'aiuto de le poesie dei grandi poeti del tempo. No podéa mancàr i proèrbi e modi de dir, par capìr mèio i usi e costumi del popolo, con componimenti a vóçe e scriti. Un póche de pagine i-è riservé a le fòle contà nei filò e a quéle sui "sovrani veronesi". Un capitolo l'è dedicà a le cante, al folklór, a le vilóte e a le noèle. Par finìr un póca de gramatica e un dissionario picenìn. Un libro curioso da lésar. > Scarga da archive.org
|
"Antichità di Verona" - Giovanni Caroto: "Antichità di Verona disegnate da Giovanni Caroto pittor veronese" publicassión con prefassión a cura de Torello Saraina stampà nel 1764 dai Fradéi Merlo. Un libro veramente bèlo e interessante pecà che'l g'àbia póche pagine, ma sicuramente de un valór incredibile. Giovanni Caroto no l'éra solo un pitór del '500 ma anca un òmo che ghe piaséa l'architetura in particolàr quéla romana. Defàti, in 'sto libro, ne la seconda versión (la prima versión stampà da Girolamo Discepolo nel 1586) catémo 31 tàole de la Verona Romana, con particolàri incredibili de qualità, disegnàde a man come el Teatro Romàn, la Rena, l'arco de Giove Annone e quél dei Gavi, Porta Borsari. In più no podéa mancàr la cartina de la Verona del '500, co' monumenti, ponti e mura a tórno la çità. Un libro da 'vérghe e da stampàr, da utilisàr anca ne le scóle par far imparàr la storia de la nostra çità ai buteléti. > Scarga da archive.org
|
"Ittiologia veronese" - Edoardo De Betta: El libro "Ittiologia veronese ad uso popolare e per servire alla introduzione della piscicultura nella provincia" l'è veramente interessante anca par ci no s'à gnénte de péssi. El nobile De Betta, el s'a impegnà tanto nel scrìvarlo e anca ne le riçerche che'l g'a fato grassie anca al materiàl vardà sóra i libri de altri studiosi come lù. La prefassión l'è completa con un giro del mondo e un salto nel veronese. Drénto, ne le 180 pagine e poco più, catémo le faméie presenti ne le nostre aque, con una descrissión precisa, che te fa capìr come le se comporta e come i è fate. A tal proposito, la cosa che n'a fato restàr a bóca vèrta, l'è el nome dei péssi in quatro léngue, italiàn, veronese, todesco e francese, che ne porta indrio a quando Verona l'éra s-ciapà a metà ne l'800, co' la Francia e l'Austria in casa nostra. Quindi, anca quésto l'è un libro da colessión da scargàr e lésar co' calma, parché de curiosità ghe n'è veramente assè. > Scarga da archive.org
|
"3° Canzoniere I Sogni" - Berto Barbarani: Tra i libri che podì scargàr a gratis da internet consiliémo el "Tèrso cansoniér" del grande Berto Barbarani dedicà a le contràde de Verona. Piassè de dosènto pagine de veronesità 'ndóe catémo el poeta nel pónto massimo de la so cariéra. Tre libri in uno, "I Sogni", "Dona Lombarda" e "In çità e in campagna" de grande livèl. El scominçia co' la "Primavera", dedicà al só amigo Angelo Dall'Oca Bianca che'l gà disegnà la copertina, passando anca par sogni storico-fantastiçi come "Dona Lombarda" de la póra Rosmunda e quél del "Saggio Bartoldo", sensa contàr de "La canonica de Sant'Alberto, che'l gà volù dedicàr a la Val d'Alpón co' le só sirése fasendo finta de èssarghe denànsi par contàr tute le só maravéie. El poeta se "congeda" co' "L'ultima leva". Interessante dal pónto de vista storico l'è el "Sogno de l'aqua grossa" che ne porta indrio nel tempo, a la famosa piena de l'Àdese del 1882 quando Berto che abitava tacà al Ponte Nóvo g'avéa 'péna diése ani. Anca quésto l'è un libro da scargàr, parché, a parte la beléssa de le poesie gh'è anca tanta storia e tradissión. > Scarga da archive.org
|
"Ornitologia veronese" - Gaetano Perini: Se volì conóssar i osèi de la tèra veronese, consiliémo el manuàl del 1874 del Perini morto póco prima de la stampa. Tra le curiosità se pól scoèrzar, ndóe vive ogni osèl, che colori el g'a e le difarense tra mas-cio e fémena, quanto i è grandi e come i se comporta. In più te pól savér come le spèçie le vién ciamé in latìn, francese, italiàn e veronese in tute le só sfumadure. Quasi quatroçénto pagine da lésar con particolari de una çèrta precisión che te porta drénto nel mondo de l'ornitologia.. > Scarga da google books
|
LUNARIO VERONESE SCARGA GRATIS!
|
|
Lunàrio OmoSignàpola 2024 - El calendario La Rena Domila de l'OmoSignapola e del Pitaro "El mèio del mèio". Le fasi lunari e 36 proèrbi contadini. Scarga !!! Formato Acrobat PDF |
|
Stampa su carta fotografica con la to stampante de casa e varda i risultati, veramente incredibili ! Te pol stampàr "2 mesi" su ogni foio de carta in formato A4. Un calendario che tacà via in casa o in ufissio te farà far, bela figura con amiçi e parenti!
|
SANTA LUSSIA
|
LE FORMÉLE DE SAN ZÉN
LE FORMÉLE DE SAN ZÉN Scarga le foto dele forméle del portàl de S.Zen, dela Cesa e del Santo in pratiche schede con la spiegassión del Diretòr. La Redassion consilia de stamparle, un opera unica e spiegà con tanta sempliçità. Ogni veronese g'à la possibilità de conòssar el portàl de la césa del nostro San Patrono a gratis.... Le formèle de San Zén |
MISURE VERONESI / AUSTRIACHE
MISURE VERONESI / AUSTRIACHE Scarga la tabèla de le misure e pesi Veronesi col sistema metrico decimàl. Misure de Capacità "pel vino", itinerarie, agrarie, par l'oio, pesi ordinari, medicinali veneti e austriaci.. Anca questa l'è un opera curiosa che val la pena stamparse.. misure |
EL TAMBURÈL DE BARBARANI
EL TANBURÈL DE BARBARANI Scarga la foto del Tanburèl da colessión firmado Berto Barbarani e.....bala che vegna!.. Cosa te speti? Un tamburèl magnifico, un ricordo de Berto de grande valòr che par i Veronesi de soca no pol mancàr a casa propia... tanburèl |
GIULIETA
GIULIETA Stampa el speciàl su Giulieta del 16 setembre con la poesia de Barbarani "Giulieta e Romeo", quela del Diretor "Cara Giulieta", e quela tradota dal Catalàn al Veronese de un grande poeta Spagnolo "Julieta" ....Una colaborassión Veronese-Catalana unica al mondo... giulieta |
VERONA RATERIANA
VERONA RATERIANA Stampa el dipinto de Verona del Vescovo Raterio a la fine del primo milenio.. Altra opera unica che tuto el mondo el ne invidia...Te pol scargarla e stamparla a gratis....... verona rateriana |
ABC DEL BOCIA
ABC DEL BOCIA El famoso "abecedario", dal veronese a l'italiàn, par tramandàr a i bocia un poca de la nostra tradissión lenguistica. Un disegno par ogni lètara da la A la Z un qualcosa de ecesionàl e veramente unico. In pratiche schede in formato A4 pronte da stampàr. ABC |
SFONDI SCRIVANIA
Verona Rateriana - Verona prima de l'ano 1000. El Vescovo Raterio n'à lassà un bel ricordo prima de scapàr in Germania. scarga |
Verona Medievàl - La Verona del '300, un bel dipinto che ne fa édar la nostra çità co' tanto de mura e fotificassioni. scarga |
Verona Venessiana - Soto la Serenissima la nostra çità l'à passà tanti secoli, 'na vecia cartina del '500 la ne mostra la Verona venessiana. scarga |
Verona 1913 - Un tempo, le vie de la çità g'avéa altri nomi e soratuto gh'era la tranvia e la stassión de Porta Nòa nel vecio posto. scarga
|
Verona Veronesità - Qua gh'è tuto quel che serve par sentirte veronese d.o.c., co' tuti i simboli de la nostra veronesità.... scarga |
|
// Podarìa interessarte |
Storia + Provincia In + Verona e la so storia + La Rena Filatelia + Museo del Carneàl + Càneva Archivio storico + Descàrga |