LA RENA DOMILA - DAL 1999 EL SITO VERONESE DEI VERONESI IN VERONESE

La Rena Fil, la rubrica de la filatelica veronese, qua te pol catàr i boli de I.P.Z.S. che i parla de la nostra çità, stampà a partìr dal 1949. Le curiosità iè tante, come quel che catèmo el 1976, Madona Verona sora a un bol ne la serie nassionàl de le "Fontane d'Italia" e nel 1987 Piassa de Signori ne la serie de le "Piasse Italiane" o la rena ne la Republica de San Marìn nel 2014. La lista qui soto, l'à ciapà i più importanti, i più curiosi o quei stampà in milioni de copie. La Rena Fil - Bol

 

La Rena Fil, la rubrica de la filatelica veronese. Con un timbro che vièn pocià nel vingiòstro e macà sul bol, vién scancelà el valòr, che ne la filatelia i ghe dise "anùlo". Ne le manifestassioni o aniversari ecc. vièn realisà un particolàr timbro, qua soto un pochi de esempi de quèi catà a Verona. Se vién realisà un bol par un evento e in più timbrà, el g'a più valòr. A la fine anca questi i fa parte de la nostra storia e i è una testimoniansa anca se la meil l'è riussì a cavarne 'sta poesia o el gusto de lecàr el bol. La Rena Fil - Timbro

 

La Rena Fil Monede, la rubrica de la numismatica veronese. le monède antiche da Re Berengario ai Visconti, giusto par darve un infarinà su cosa gh'era un tempo a Verona. Una rubrica veramente curiosa e soratuto storica, butàr un ocio no costa gnente e podì farve un poca de cultura. El so valòr l'è interessante, da crompàr e da tegnér come investimento, le colessioni come queste no le gà soltanto un valòr de schèi ma anca de tradissión. La Rena Fil - Monède

La Rena Fil Medàie, la rubrica de la numismatica veronese co' medàie con rafigurà San Zèn, de la colessión Bertoncelli. . Una rubrica veramente curiosa e soratuto storica, butàr un ocio no costa gnente e podì farve un poca de cultura. El so valòr l'è interessante, da crompàr e da tegnér nel càlto, le colessioni come queste no le gà soltanto un valòr de schèi ma anca de tradissión. La Rena Fil - Medàie

Grassie al nostro amigo Piero Braggio podémo entràr nel magico mondo de la filatelia veronese. Colessionàr un bol, un timbro o 'na monèda, l'è qualcosa de particolàr e ogni tanto, fa piasér incontràr altre pàrsone co' la to stessa passión. Co' Piero riussémo a capìr come a Verona se pol deventàr colessionisti. No l'è solo storia, l'è molto de più. Se te vién voia de spedìr 'na cartolina, te devi ricordarte el bol, qua soto i C.A.P. de Verona e Provinçia La Rena Fil Verona & C.A.P.