El magnàr in tòla e Polenta

La rubrica de la cusìna in tàola nel segno de la tradissión veronese. Parlèmo de polenta, che a Verona vién spesso e volentieri compagnà da la Rénga pèsse dei mari del nord rivà fin da noantri. Pietansa che un tempo e che al dì de ancò in forma quasi stessa nei paesi africani l'era consumà in gran quantità provocando la famosa Pelagra. La Polenta la se compagna co' tuto magari co' do bele fete de sopressa o co i osèi.




 
// Podarìa interessarte
El magnàr in tòla + dolso + carne + ne la tradission + Pitòco + Radécio + Riso + Polenta


POLENTA E RÉNGA

renga
Cosa ghe vol:
- Do-trè rénghe,
- un bicér de oio de oliva,
- polenta,
- asédo a piasèr

Come far: 
Netàr el pésse, suca, coa, rèsche. Cósarlo su la gradèla e consàr el tuto con l'oio. Se consilia polenta calda o polenta brustolà tiepida. Finì el carneval, "Mercoli de le Ceneri", podì 'ndar a la festa de Parona a gustarVe 'sto magnifico piato, 'ndoe da ani i le cusina veramente ben. La Renga nasse ne l'aqua e more nel vin....quindi un bicér a la nostra salute. Me racomando de no esager col vin....
 

 

POLENTA E OSÈI

osei
Cosa ghe vol:
- seteçento gr. de osèleti netàdi
- çento gr. de panséta,
- salvia q.b.,
- meso bicér de oio de oliva,
- çinquanta gr. de botiér,
- polenta, sal, péar.

Come far: Bisón netàr i osèleti, cavandoghe oci, sate e passandoli sul fògo, e poco dopo bisogna vèrzarli. Consarli con sal e péar, metendoghe intorno la panséta, fissada con un caùcio da parte a parte. Cósar ne la teja dopo aver rosolà el botiér e diese foje de betònega, poi a fogo lento ròersarli zontandoghe un poco de botiér che el deve desfarse. La polenta bela soda, la deve èssar tajada del spessòr de du schei e postada arènte ai osèleti con un poco de salsa.

 
// Podarìa interessarte
El magnàr in tòla + dolso + carne + ne la tradission + Pitòco + Radécio + Riso + Polenta

Whatsapp