Con poco te pol cusinàr un bel piato pronto da magnàer in pochi minuti. Par ci vive in çità l'è dura la questión, ma se te vién voia de far un giro su le Toreséle o tra Aesa e Chinsàn te pol catàr i vari ingredienti naturali. Con un gosso de oio e un pìssego de sàl l'è pronto in tàola!





BRUSCANSI

erbe
Cosa ghe vol:
- 500g de bruscansi,
- 50g de oio 'stravergine de oliva,
- sal q.b.

Come far: 
Cusina pitòca dal bon saor. I Bruscansi (le çime del lupolo) i cresse longo le sese e par binarle bisogna cavar via le ponte quando iè zoene e tendarine. Dopo averle lavade se le fa bóiar par una diesina de minuti e servidi consà con oio, sal e magari con calche gossa de asédo. Boni anca nel risoto.
 

 

SGRÌSOLI
Cosa ghe vol: 300g de sgrìsoli, 40 g de oio de oliva, sal q.b. Come far: I Sgrisoli i va binàdi su in primavera, apena vien fora le prime foje, se cava ia la parte de sora. Lavarli ben con l'aqua e fasendoli bóiar par un poco de minuti. I vien messi in tòla con un fil de oio, un pìssego de sàl.

   

RAMPONSÒLI
Come far: Iè difiçili da catàr. I Ramponsòli (Raperonzoli) l'è un erba dei campi con la raisa che someja a quela de la rava, ma picenina. I va netà ben e consà con un fil de oio e un pìssego de sàl.

 

RADÉCI DA CAMPO
Cosa ghe vol: 1 chil de radécio da campo, 50g de oio 'stravergine de oliva, 100g de panséta, 3 spighe de ajo, sal e péar q.b. Come far: 'Sta verdura la va binada in campagna in primavera. Dopo aver lavà el radécio (raise, foje ecc..) se buta in aqua de boio salà, se scola e se frise nel'oio con un par de spighe de ajo e la panséta tajada a quadreti.

  

MOLESINI
Cosa ghe vol: 300g de molesini, oio, sal q.b. Come far: La Valerianela cresse in primavera nei campi. Le foje rotondé le va pulì con aqua corente e servì fresche con un fil oio e un pìssego de sàl.

Whatsapp