Skip to main content

Gnénte UNESCO par Bolca


Quando: 28 Genàr 2025

No l'è possibile che ogni 'òlta che in Veneto se vol far squadra par rivàr a un risultato grandioso restémo co' un mucio de mosche in man. Nel 2022 co' la giunta Sboarina ricordémo che Verona l'è stà candidà come capitàl de la cultura italiana e l'émo ciapà nel torototèla co' grande festa a Procida. St'ano invece la posta l'éra piassè alta, tanto che, el presidente de la Región Zaia s'a messo in prima fila par el riconossimento de Bolca da parte de l'UNESCO. L'è andà sbusa anca stà òlta par colpa de la burocrassia. Par finìr no émo savù più gnénte dei contributi statali a Vila Baladoro a Pojàn (Povegliano) de 1 milion e 700 mila euri, anca lì, par problemi aministrativi le cose iè andè par le lónghe e no se farà più gnénte. Gh'è calcossa che no quadra, co' zénte no propio competente ris-cémo de pèrdar treni par la comunità e no solo. Un comùn picenìn come Vèstena sarìa stà al çéntro del mondo, 'dèsso bisón capìr ci g'a sbaià. Un riconossimento de 'sto tipo portarìa schèi e posti de laóro e soratuto valorisarìa el teritorio.. El Diretór 25.01.2025