Tempo e Paja

La rubrica, de le previsioni del tempo e del mondo contadìn. Come semenàr ne l'orto e nel giardìn mese par mese par tuto l'an. In più un póche de proèrbi e fati storici che ne parla del tempo. Tuto quanto va a fòndarse con altre rubriche presenti nel "Capitolo Tradissioni", come "Ménego Maistro" che parla de le piante e "Proèrbi e modi de dir". No te resta che sapàr el campo e semenàr.....
PREVISIONI METEO VERONA |
3B METEO.IT: Previsioni utilisà dai media veronesi |
METEO.IT: Meteo del TGCOM24.IT |
ILMETEO.IT: Previsioni meteo del teritorio nassionàl |
PROÈRBI DEL TEMPO
- Bel tempo de nòte, l'è come òn molin fato de stròpe.
- Ne l'ora tèrsa, o ch'el se indrissa, o ch'el se roèrsa.
- Se el mèrcole insàca el giòve, par la domenega piòve.
- Vin, pan e legna,lassa che la vègna; vin pan e sòca, lassa che la fioca.
- Quando el tempo vien da la montagna, tòl su la sapeta e va en campagna
- Quando el vien dale basse, varda ch'el te bagna anca le strasse.
- D'inverno tuti i venti porta aqua
- Un'ora de bon tempo suga la strada
- La matina l'è la mare dei mestieri e la note dei pensieri
- L'ombrela no l'è fata par 'na piova sola
TEMPO E STORIA
1431 Gh'éra talmente frédo che s'a ingiassà l'Adese e te podéi passarghe de sóra anca co' le carétele carghe de roba. I olivi, le vigne e altri àlbari s'a secà.
1439 In quel ano gh'è stà la guéra tra i Venessiani e 'l Duca de Milàn. Francesco Sforza al servissio dei Venessiani impegnà a Torbole l'è andà in aiuto del l'amigo Giacomo da Marano a la Ciusa minacià da Francesco Gonzaga amigo dei Milanesi. Cossìta Sforza el giorno 19 noémbre g'a sponsà a Sant'Ambróso co' Giacomo. Quéla nóte parò gh'éra talmente frédo che ai soldà ghe s'a ingiassà el corpo da la testa a le deoline dei pié, altri iè andà fóra de testa altri i g'a pèrso i òci e tanti iè morti. El giorno dopo iè andà a la conquista de Verona dopo avér sbaracà el campo.
1530 A maio l'Adese e 'l Po iè andà de fóra dal so lèto querséndo e sassinàndo par el lóngo e par traèrso i paesi, spacàndo e desfando i àrzari qua e là lóngo la via e faséndo un fràco de morti. A memoria de òmo, nissuni avéa visto una cosa cossita nei secoli, i fiumi cossita alta. La colpa l'è stà de la pióva cascà zò un par de giorni prima, co' spaventose tonade e s-ciàntisi da far paura. No podéa mancàr un vento fortissimo e dei bèi scorlóni de teremoto.
1608 Par colpa del frédo de l'ano prima, par el séco de l'istà, par temporài fortissimi e de la piéna de l'Adese. Verona la subì un fraco de rogne.
1617 A genàr s'a ingiassà l'Adese da una cadéna a l'altra, in particolàr nel tòco dal Ponte Piéra a la toréta a nord de Castélvècio. D' Istà gran suta, tanto che s'a sugà tuti i póssi.
1635 El frédo can podemo catarlo par bén du mesi invernali, l'Adese s'a ingiassà dal Ponte Nóvo al Ponte Navi, tanto che, te podéi caminàrghe de sóra a pié e anca co' cavài da 'na parte a l'altra.
1649 Gran frédo e tanta pióva che g'a seità da maio a agosto, tanto che a setémbre l'ua no l'è maurà, aqua dapartuto e zénte morta par peronóspera compreso el Vescovo Marco Giustiniani (23 agosto 1649).
1665 Visto el gran frédo, el Capitàn Paolo Giustiniàn, g'a pensà de far rinàssar l'Arte de la Lana. El problema gh'éra ani prima, tanto che, nel 1559 co' una suplica al Principe de Venessia, s'a dimàndà de cavàr tasse e debiti a le Sgarzarie, létara andà morta. D'istà invéçe, gran caldo, tanto che a metà luio gh'éra Processioni dapartuto par dimandàr la piova al Signór.
1731 El 24 dugno temporàl de una çèrte importansa tra Sanguiné e Sparé lche el g'a roersà casoti e fato morti. A luio de le gràn site le g'a brustolà un bèl poche de persone. El 26 de luio una bruta sita la g'a ciapà la Tór dei Lamberti e un tòco de piéra l'è cascà su Piassa Erbe. El 22 de agosto s'a visto fiocàr sul Monte Baldo
1825 Decémbre caldìn co' i bùti su le piante e un póca de gramégna tra le bine. I bacàni pronti a scalvàr le vigne co' el stegagno.
1852 A decémbre a Gaiùm, località che varda Volargne, Don Bernardo Butturini nei registri de la Parochia el g'a segnà che gh'éra i pré co' mandolari in fiór. In tuta Europa gh'è stà caldo in quél ano e in quél dopo, s'a visto butàr le vigne, fiorìr i bisi e pian pian el forménto l'é rivà a la spiga.
SEMENÀR NE L'ORTO E IN GIARDÌN
GENÀR
- Orto
Sémene in lèto caldi o sótovéro > Vérze, Melansane, Pearóni (Peperoni), Pomodori, Ravanèi, Sèleno (Sèdano).
Sémene in piena tera > çéola bianca, Fae (fave), Bisi (piselli), Pòro, Pissacàn (Tarassaco).
Piantajoni e trapianti > Ajo (Aglio), Spàrasi raìse (Asparagi), Bulbi de çéola, Arsiciòco (carciofo). - Giardìn
Sémene in lèti caldi o sótovéro > Viola del Pensiér, Garofòlo cinese, Violacioca.
Sémene in piena tèra > Papavero, Speronèla.
FEBRÀR
- Orto
Sémene in lèto caldi o sótovéro > Angurie, Basalicò, Vérze, Serùmole (cetrioli), Melansane, Molonare (Meloni), Pearóni (peperoni), Pomodori, Ravani, Sèleno (Sèdano), Sucói.
Sémene in piena tèra > Biete, Carote, çicorie, çéole (cipolle), Fàe (fave), Salate (lattughe, insalate), Bisi (piselli), Parsémolo, Rave, Ravani, Rùcola, Spinasse (Spinaci)-
Piantajoni e trapianti > Ajo (Aglio), Spàrasi raìse (Asparagi), Bulbi de çéola. - Giardìn
Sémene in lèti caldi o sótovéro > Agerato, Amaranto, Bóca de León, Caléndria (Calendula), Celosia, Clarkia, Coleus, Cosmea, Dalia, Digitàl, Gaillardia, Garofòlo (Garofano), lmpatiens (Beiòmeni), Kochia, Mesembriantemo, Nastursio, Ampònia (Peònia), Primula, Betònega (Salvia), Senècio, Statice, Béco (Tagete), Erba de San Zuàne (Verbena), Viola, Béchi (Zinnia).
Sémene in piena tèra > Botón (Fiordaliso vedovino), Iberis perene, Papavero, Biso odoroso, Speronela.
MARSO
- Orto
Sémene in lèto caldi o sótovéro > Basalicò, Verze, Melansane, Pearoni, Pomodori, Sèleno (Sèdano), Sucói.
Sémene in piena tèra > Biete, Carote, çicorie, çeole (Cipolle), Salate (lattughe, insalate), Bisi (piselli), Pomodori, Pòri, Parsémoli (prezzemoli), Rave, Ravanèi, Rucola, Spinasse, Molesini (Valerianella), Suche e Angurie, Serumole (Cetrioli), Fasói (Fagioli), Molóne, Sucheti in lóghi riparadi (Zucchine).
Piantajoni e trapianti > Bulbi de çeola. - Giardìn
Sémene in leti caldi o sotovero > Amaranto, Spàraso Plumoso e Sprengeri, Balsamina, Bèla de note, Boca de León, Caléndria (Caléndria),Garofòlo, Lavatera, Erba Gardinalìna (Lobelia), Erba de séda (Lunaria), Nastursio, Petunia, Primula, Betònega Splendens (Salvia splendente), Senecio, Béco (Tagete), Erba de San Zuàne (Verbena), Béchi (Zinnia). Ampònia (Peònia), Narùncolo, Trigidia.
Prà > Sarfóio (Trifoglio).
Piantajoni e trapianti > Begonia, Pamporçìn (Ciclamino), Gadól, (Giaggiolo), Ampònia (Peònia), Narùncolo.
APRÍL
- Orto
Sémene in vivaio o in semensàr > Cavolfiori, Verze, Melansane, Pearóni (Peperoni), Pomodori, Pori, Sèleno (Sedano).
Sémene in piéna tèra > Angurie, Basalicò (Basilico), Biete, Cardi, Carote, Serùmole (Cetrioli), Çicorie o Radéci (Radicchi), çeole (Cipolle) (Cipolle), Fasói (Fagioli), Salate (insalate, lattughe), Mólone (Melóni), Bisi (Piselli), Pomodori, Pori, Parsémoli (Prezzemoli), Ravanèi (Ravanelli), Rucola, Molesini (Valerianelle), Suche (Zucche), Sucói (Zucchini).
Piantajoni e trapianti > Capussi (Cavoli) e Pomodori. - Giardìn
Sémene in leti caldi o sótovéro > Spàraso (Asparago) Plumoso, Blasamina, Coleus, Campanula, Caléndria (Calendula), Garofòlo (Garofano), Fiàma (Phlox), Betònega Spendens (Salvia Splendente), Béco (Tagete), Erba de San Zuàne (Verbena), Béchi (Zinnia).
Sémene in piéna tèra > Bèiòmeni (Balsamina), Bela de giorno, Bela de note, Boca de león, Caléndria (Calendula), Campanéle che ràmpega (Vilucchio), Crisantemo, Botón (Fiordaliso vedovino), Gailardia, Garofòlo (Garofano), Lavatèra, Erba Gardinalìna (Lobelia), Astursio, Nigela, Papavéro, Petunia, Fiàma (Phlox), Biso odoroso, Speronela, Béchi (Zinnia), Suche (Zucche) ornamentàl
Prà > Agrostide, Dichondra, Gramégna (Gramigna), Loieto, Sarfóio (Trifoglio).
Piantajoni e trapianti > egonia, Pamporçìn (Ciclamino), Gadói (Giaggioli), ampònia (peonia), Narùncolo (Ranuncolo).
MAIO
- Orto
Sémene in semensàr > Verze, Sèleno (Sedano).
Sémene in piéna tèra > Basalicò (Basilico), Biete, Cardi, Çicorie, Carote, Serùmole, Radéci (Radicchi), Endivie, Fasói (Fagioli), Salate (insalate, lattughe), Mólone (Melóni), Parsémoli (Prezzemoli), Rucola, Scorzobianca, Spinasse (Spinaci), Molesini (Valerianelle), Suche (Zucche), Sucói (Zucchini).
Piantajoni e trapianti > Capussi (Cavoli), Melansane, Pearóni (Peperoni), Pomodori. - Giardìn
Sémene in semensàr > Aliso, Spàraso (Asparago) Plumoso Campanula, Garófoli (Garofani), Fiàma (Phlox), Betònega Splendens (Salvia splendente), Béco (Tagete), Erba de San Zuàne (Verbena), Béchi (Zinnia)
Sémene in piéna tèra > Broéja (Convolvolo), Crisantemi,Botón (Fiordaliso vedovino), Lupin, Papavéro, Petunia, Fiàma (Phlox), Biso odoroso, Primula, Suche (Zucche) ornamentàl.
Prà > Agrostide, Dichondra, Gramégna (Gramigna), Loieto, Sarfóio (Trifoglio).
Piantajoni e trapianti > Begonia, Pamporçìn (Ciclamino), Convalaria, Dala, Gadói (Giaggioli), Ampònia (peonia), Narùncolo (Ranuncolo).
DUGNO
- Orto
Sémene in vivaio o in semensàr > Verze
Sémene in piéna tèra > Basalicò (Basilico), Biete, Cardi, Carote, Serùmole, Çicorie, Radéci (Radicchi), Endivie, Fasói (Fagioli), Salate (insalate, lattughe), Poro, Parsèmolo, Rucola, Sucói (Zucchini).
Piantajoni e trapianti > Melansane, Pearóni (Peperoni), Sèleno (Sedano). - Giardìn
Sémene in semensàr > Aliso, Spàraso (Asparago) Plumoso e Sprengeri, Astro, Campanula, Colonia, Dali, Digital, Elicriso, Garófoli (Garofani), Fiàma (Phlox), Betònega Splendens (Salvia splendente), Béco (Tagete), Erba de San Zuàne (Verbena), Béchi (Zinnia).
Sémene in piéna tèra > Astro, Bèla de giorno, Caléndria (Calendula), Campanela, Clarkia, Crisantemo carenato, Gypsophila, Petunia, Fiàma (Phlox), Béchi (Zinnia). Suche (Zucche) ornamentàl.
Prà > Dichondra Repens, Gramégna (Gramigna).
LUIO
- Orto
Sémene in semensàr > Arsiciòco (Carciofo) (Carciofo), Verze
Sémene in piéna tèra > Biete, Carote, Çicorie, Radéci (Radicchi), çeole (Cipolle) (Cipolle) precoci, Endivie, Fasói (Fagioli), Fenoci, Salate (insalate, lattughe), Poro, Parsémoli (Prezzemoli), Rave, Rucola Sucói (Zucchini).
Piantajoni e trapianti > Sèleno (Sedano) - Giardìn
Sémene in semensàr > Gailardia, Garofòlo (Garofano) dei Poeti, Margarita, Océti de la Madòna (Non ti scordàr di me), Violacioca, Viola del Pensièr.
Sémene in piéna tèra > Aliso, Altea, Amaranto, Aquilegia, Bèiòmeni (Balsamina), Boca de león, Clarkia, Botón (Fiordaliso vedovino), Godesia, Iberis, Lino decorativo, Lupìn, Océti de la Madòna (Non ti scordàr di me), Violacioca, Viola del pensièr.
AGOSTO
- Orto
Sémene in semensàr > Arsiciòco (Carciofo), Çicorie, çeole (Cipolle) precoci, Endivie, Salate (insalate, lattughe), Scarole.
Sémene in piéna tèra > Biete, Carote, çime de rava, Çicorie, Radéci (Radicchi), çeole (Cipolle) precoci, Endivie, Fasói (Fagioli), Fenoci, Salate (insalate, lattughe), Parsémoli (Prezzemoli), Ramolaci, Rave, Rucola, Spinasse (Spinaci), Molesini (Valerianelle), Sucói (Zucchini)
Piantajoni e trapianti > Capussi (Cavoli). - Giardìn
Sémene in semensàr > Gailardia, Garofòlo (Garofano) dei Poeti, Margarita, Océti de la Madòna (Non ti scordàr di me), Violacioca, Viola del pensiér.
Sémene in piéna tèra > Aliso, Altea, Amaranto, Aquilegia, Bèiòmeni (Balsamina), Boca de león, Clarkia, Botón (Fiordaliso vedovino), Godesia, Iberis, Lino decorativo, Lupìn, Océti de la Madòna, Violacioca, Viola del pensiér.
SETEMBRE
- Orto
Sémene in vivaio o semensàr > çeole (Cipolle) bianche, Salate (insalate, lattughe) d'inverno.
Sémene in piéna tèra > Biete, Carote, Çicorie, Radéci (Radicchi), çime de rava, çeole (Cipolle) che nasse prima, Endivie, Fenoci, Salate (insalate, lattughe), Parsémoli (Prezzemoli), Rave, Ravanèi, Rucola, Spinasse (Spinaci), Molesini (Valerianelle)
Piantajoni e trapianti > Capussi (Cavoli). - Giardìn
Sémene in piéna tèra > Alisso, Bèiòmeni (Balsamina), Boca de león, Digital, Elicriso, Gypsofila, Godesia, Lupin, Moneda del papa, Papavéro, Biso odoroso.
Sémene in leti caldi o sótovéro > Alisso, Boca de león, Cantaurea, Godesia, Margaritina, Océti de la Madòna (Non ti scordàr di me), Violacioca, Viola del pensiér.
Prà > Agroside, Loieto, Sarfóio (Trifoglio).
OTOBRE
- Orto
Sémene in piéna tèra > Biete, Çicorie, Radéci (Radicchi), çime de rava, Fàe (Fave), Salate (insalate, lattughe), Bisi (Piselli), Parsémoli (Prezzemoli), Ravanei (Ravanelli), Rucola, Spinasse (Spinaci), Molesini (Valerianelle).
Piantajoni e trapianti > Ajo (Aglio), Spàrasi raìse (Asparagi), Ciocoli, çeole (Cipolle) che nasse prima - Giardìn
Sémene in leti caldi o sótovéro > Alisso, Boca de león, Campanula, Gasania.
Prà > Agroside, Loieto, Sarfóio (Trifoglio).
Piantajoni e trapianti > Ajo (Aglio), Anemone, Croco (Zafferano), Eremurus, Fresia, Fritilaria, Pulcra (Giaçinto), Gadói (Giaggioli), Icsia, Narciso, Oxalis, Narùncolo (Ranuncolo), Tulipàn.
NOÉMBRE
- Orto
Sémene in piéna tèra > Çicorie, çime de rava, Fàe (Fave), Bisi (Piselli), Parsémoli (Prezzemoli),
Piantajoni e trapianti > Ajo (Aglio), Spàrasi raìse (Asparagi), Ciòcoli (Carciofi), çeole (Cipolle). - Giardìn
Sémene in leti caldi o sótovéro > Alisso, Boca de león, Campanula, Gasania.
Sémene in piéna tèra >Elicriso, Botón (Fiordaliso vedovino), Godesia, Papavéro, Biso odoroso, Speronela.
Prà > Agroside, Loieto, Sarfóio (Trifoglio).
Piantajoni e trapianti > Ajo (Aglio), Anemone, Croco (Zafferano), Eremurus, Fresia, Fritilaria, Pulcra (Giaçinto), Gadói (Giaggioli), Icsia, Narciso, Oxalis, Narùncolo (Ranuncolo), Tulipàn.
DECÉMBRE
- Orto
Sémene in leti caldi o sótovéro > Melansane, Ravanèi (Ravanelli).
Sémene in piéna tèra > Fàe (Fave), Bisi (Piselli).
Piantagioni e trapianti > Ajo (Aglio), Spàrasi raìse (Asparagi), Patate (Patate (Bulbili)) de çeola (Cipolla), Ciocoli (Carciofi). - Giardìn
Piantagioni e trapianti > Ajo (Aglio), Anemone, Croco (Zafferano), Eremurus, Fresia, Fritilaria, Pulcra (Giacinto), Gadòi, Icsia, Narciso, Oxalis, Narùncolo (Ranuncolo), Tulipàn.